قد يبدو للقراء ان سعر السهم الحالى مبالغ فيه ، وحسب مقاله فى ياهو فيننس منذ اقل من 3 اسابيع (https://finance.yahoo.com/news/p-e-ratio-insights-tesla-140113237.html) ان تسلا لديها مكرر ربحيه منخفض يبلغ تقريبا 0.0 عن السائد فى الصناعه البالغ 12.32 وربما ان السهم يكون كمان اقل من قيمته الحقيقيه رغم ايمانى الشديد بأن نسبه مكرر الارباح مش مقياس حقيقى للحكم ، على اى حال اذا حتى افترضنا ان السهم سعره مبالغ فيه فمن الناحيه الفنيه وحسب تحليلى للسهم ان طبيعه الموجه اللى هو فيها يخليه يصل لاكتر من كدا كمان ، واللى عنده معرفه بالتحليل الموجى هيعرف ان الانفجار السعرى والصعود بزاويه حاده بالشكل ده هو موجه ثالثه من ثالثه بشكل عام ، اما هنا فممكن تكون ثالثه من ثالثه من خامسه او ربما تكون ثالثه من ثالثه من ثالثه حسب العد البديل وفى هذه الحاله السهم يبقى امامه الكثير والكثير من الصعود ، لكن تقديرى الخاص ان السهم ممكن يواصل التصحيح حتى مستويات 1300-1400 دولار وربما اقل ثم يعاود الصعود، وبرضوا لازم نعرف حاجه مهمه وهو ان الشركات الصناعيه او التكنولوجيه حسب دوره الاعمال بيجى عليها وقت هو اللى بتكون سائده فيه عن باقى القطاعات بالاضافه الى ان القطاع التكنولوجى ما زال يقوم بدور الملاذ الامن الاكثر جذبا وربحيه للمستثمرين عن باقى الملاذات الامنه التقليديه مثل الذهب او السندات وفى العملات الدولار او الين وذلك منذ الركود الحاصل منذ بدايه العام وعدم اليقين السائد الخاص بالتعافى الاقتصادى او الوصول الى فاكسين لكوفيد 19
فى مشاركه سابقه بعنوان " اختيار الشركات ذات النمو السريع ام الشركات ذات الارباح العاليه تقريبا منذ 3 سنوات فى 18//8/2017 (https://stockcharts-home.blogspot.com/2017/08/blog-post_78.html) وكنت اتكلمت عن الشركات اللى بتعظم قيمتها السوقيه او ما يسمى الاستثمار فى القيمه ، وذكرت على رأس هذه الشركات شركه تسلا اللى كطان قيمتها السوقيه فى الوقت ده فقط 60 مليار دولار وكانت بتحقق خسائر ، لكن التخطيط الجيد وانتهاز الفرص والعمل على النمو بمعدلات مرتفعه حتى ولو فى اول الطريق هتحقق خسائر وكل مؤشراتك الماليه مش مظبوطه لكن هتلاقى الموضوع بعد كده حقق نجاح عظيم لان فى حاجه اسمها نمو مستقبلى مرتفع وثابت ومش تسلا بس ابل قبلها و تويتر واوبر ولو عرفت يعنى ايه استثمار فى القيمه هتعرف ليه سعر تسلا وابل وامازون والشركات العملاقه دى فى السما لان ببساطه المستثمر خصوصا صناديق التحوط والمؤسسات الماليه الكبيره مش عبيطه عشان تدفع فى سهم سعره كان على وشك 2000 دولار لكن الناس دى شغاله على اساس مالى وعارفه القيمه الحقيقيه للسهم وانه رغم ارتفاع سعره قد يكون اقل من قيمته الحقيقيه وربما ما زال امامه المزيد والمزيد من الصعود لقيم ربما تتعدى 2200 دولار
