جلوبال تيلكوم على الشارت اليومى وكنا اتكلمنا قبل كده عن السهم فى مشاركه بتاريخ 8/2/2016 وقلنا عن مستهدفات له عند 1.78 و1.94 واتكلمنا عن ازاى انك تتاجر مع الترند الصاعد لنموذج الهارمونيك الخفاش وان ازاى السهم ممكن بعد ما يحقق الهدف الثانى لنموذج الهارمونيك عند نسبه 61.8% يقدر يواصل على نسب الفيبوناتشى ويكون الهدف التالى عند نسبه 78.6% ثم 88.6% وهكذا
السهم تراجع بعد تحقيق هدفه عند 1.94 ثم واصل الصعود مره اخرى ليستهدف مستوى 2.05 وهى تساوى نسبه 78.6% فيبوناتشى من السوينج الهابط من قمه 2.20 وحتى قاع 1.51 (كانت هذه المنطقه فى نموذج الهارمونيك تسمى AD) وبالشكل الموجود حاليا اصبح عندنا نموذج هارمونيك جديد ينحصر بين الجارتلى والفراشه والكابوريا هنتكلم فى وقت تانى عن الهارمونيك ان شاء الله لكن خلينا شغالين كلاسيك فى التحليل الحالى
لاحظ ان الخط الازرق المنقط هو الترند الصاعد لنموذج الهارمونيك فى التحليل السابق وهو ما زال ترند يعمل ومش عاوزين ننساه فى المتاجره ولما قلت سابقا ان كسر الترند ده يعتبر خروج لتأمين المكاسب ده حصل فعلا لكن لازم تاخد بالك من حاجه انك انت مخير طبعا فى اداره اموالك ممكن واحد يكتفى بالربح ويخرج من السهم وده مافيهوش اى مشكله وممكن واحد يجنى جزء من ربحه ويستنى اشاره دخول تانيه ليضيف الى مركزه الشرائى الحالى وانا شخصيا كمحلل فنى لما الاقى اشاره انعكاس عند 1.97 كنت هخرج بكسر الترند بالجزء الباقى لكن طبعا كنت هتابع السهم لو اعطى اشاره دخول تانيه زى ما حصل عند مستوى 1.68 وكون نموذج شموع قاع توزير او بيتقال عليه بايب بوتوم والدخول الصحيح وقتها كان بالاغلاق اعلى 1.85 لمستهدف يصل الى 2.02(تحقق المستهدف)
السهم بوصوله الى 2.05 معرض لجنى ارباح وده المرجح لاصطدامه بكلاستر مقاومه سواء الحد العلوى للقناه الصاعده او بنسبه 78.6% فيبوناتشى او نقطه اكتمال نموذج جارتلى فى الهارمونيك و مستوى 1.88 تأكيد لكسر الترند الازرق المنقط والخروج بالاغلاق تحت هذا المستوى وانتظار اشاره دخول مره اخرى مثل تكوين نموذج شموع انعكاسى او هبوط جزئى للسهم او الارتداد من خط الترند الصاعد عند مستويات 1.90-1.92
اعتقد ان السهم مثال جيد جدا على المتاجره واستغلال الفرص ومن وجهه نظرى الشخصيه ان السهم ما زال فيه صعود اخر خصوصا بعد الاغلاق اعلى 1.97(نموذج قاع مزدوج غير متساوى) ليستهدف 2.45 لكن الاهم ان يرتكز حاليا اعلى 1.97 وما يكسرهاش ولو كسرها مش يكون الكسر بعنف حتى يحتفظ بزخم الترند الصاعد فى المدى القصير ليواصل استهداف 2.20 الهامه جدا ثم الوصول الى 2.45
