الشمس للاسكان على الفريم اليومى وعندنا اكتر من نموذج ايجابى لعمل تريده قصيره الامد فيوجد على الشارت نموذج 2B BUY اعطى اشاره للمضارب بالدخول اعلى مستوى 2.14 ودعم هذا الدخول متاجره BAMM على مؤشر RSI لنموذج هارمونيك THE0-5 الهابط لمستهدف قد يصل الى 2.75-2.85 مبدئيا
النموذج الثانى الكلاسيكى وينتظر تأكيد صحه الكسر هو نموذج قاع مزدوج يكتمل بالاغلاق اعلى 2.50 لمستهدف يصل الى 3-3.05 والدخول للمتحفظ بالاغلاق اعلى 2.50
زى ما اتعودنا دايما من خلال التحليلات السابقه اننا بنهتم بالمتاجره ومستويات الدخول والخروج وازاى نقدر نوفق بين اكتر من نموذج واستغلالهم فى المتاجره والسهم عليه 4 نماذج ممكن ان توفر فرص دخول مناسبه لطبيعه المستثمر نفسه فالدخول المبكر على مستويات 2.14 او 2.30 ربما يناسب المضارب والدخول اعلى 2.50 يناسب المستثمر المتحفظ او الكلاسيكى وعندنا اهداف مبدئيه عند 2.75 من الممكن جنى ارباح عندها للمضارب او حتى الخروج من السهم-من دخل عند 2.14-2.30- اما اللى هيدخل اعلى 2.50 فيمكن تأمين جزء من ارباحه فى منطقه 2.75-2.85 وانتظار هدف اكبر فى منطقه 3.05-3.18
بالنسبه لوقف الخساره فمستوى 1.95 هو المستوى المفترض الخروج عليه من السهم فنيا لكن زى ما قلت قبل كده اكتر من مره وقف الخساره يعتمد على استراتجيتك انت ومدى تحملك للخساره وقلنا ايضا ان اقرب دعم لسعر شرائك يعتبر هو وقف خسارتك وبالتالى اللى دخل عند 2.14 ممكن وقف خسارته تكون بالاغلاق تحت 1.95 واللى دخل عند 2.30 ممكن يكون وقف خسارته عند 2.10 واللى هيدخل اعلى 2.50 وقف خسارته الاغلاق تحت 2.30
