- طلعت مصطفى على 3 فريمات مختلفه ، الفريم الاول وهو فريم الساعه المرقم برقم1 وعليه نموذج هارمونيك "كابوريا شرائى والنموذج توافقى للغايه من حيث اختبار منطقه الانعكاس المحتمله المقدره بنطاق 4.82-4.73 وانعكس السهم من مستوى 4.75 لبيستهدف صعودا مستوى 4.91 اولا ثم 5 جنيه على ان يكون جنى الارباح عند مستوى 4.91 او جزء منه ومن المعروف ان الفريمات الاقل من اليوم مفيده لمشتغلى السيم داى والمضارب اللحظى خصوصا فى شغل العملات ولكن يجب الحذر من سير السهم العرضى فقد يكون التحرك العرضى مؤشر على ضعف الانعكاس لاعلى وربما كسر مستوى 4.75 هبوطا لذلك وقف الخساره الاغلاق تحت4.75
- الشارت الثانى الخاص بالاطار الزمنى اليومى والثالث الخاص بالاطار الزمنى الاسبوعى تقريبا يسيران فى نفس الاتجاه بمعنى ان كسر مستوى 4.75 السهم هيكون فى طريقه لاستهداف 4.11 كاخر مراحل هبوطه وانا هنا مش عاوز اعول كتير على مستهدف الرايه اللى ممكن يوصل الى .3.55 لان الرايه من النماذج اللى بتتاثر جدا بالدعوم والمقاومات القريبه منها وبتمتاز بالمرواغه زيها زى الوتد وان الرايه الحاليه تعتبر رايه ضعيفه وهشرح السبب فى الملاحظات التعليميه الفادمه ، وبما ان السهم على الشارت الاسبوعى عرفنا منه اخر مراجل الهبوط لكن نذكر القارىء بان السهم من 6.34 وحتى 4.11 انه فى منطقه اسمها منطقه انعكاس صعودى لتكمله اخر اضلاع نموذج هارمونيك THE5-0 مقدره بنطاق 8.16-9.27 قبل ان يرتد السهم هبوطا مره اخرى لكن قرار سعادتك هتاخده فى الحاله دى على الشارت اليومى باختراق حد الرايه العلوى عند 4.80 متناقصه مع الزمن لكن اذا السهم استمر فى الهبوط بعد كسر 4.75 بمسافه بعيده يجب الانتظار وقتها لاشاره انعكاس اخرى يعنى خلاصه الكلام التعليمى السابق فى النقطه دى السهم من منطقه 6.34-4.11 متوقع له انه يرتد من اى مستوى عشان يستهدف صعودا اى مستوى فى المنطقه من 8.16-9.27 واحنا بنتكلم حاليا عن حاجه زى الرايه ممكن تعطينا مؤشر على الدخول لو السعر انعكس من مستويات 4.75 وتحت 4.75 استنى اى اشاره اخرى تكون قويه للدخول عليها لاستهداف منطقه 8.16-9.27....تمام كده !
ملاحظات
- الرايه المنحدره فى الرسم الحالى هى رايه ضعيفه لان الرايات المنحدره فى نفس اتجاه الترند السائد - الترند الهابط فى مثالنا - ادائها بيكون ضعيف وشكل الرايه دى بيكون عكس شكل الرايات المعتاده اللى بيكون فيها جسم الرايه فى عكس اتجاه الترند السائد زى الاشكال المرسومه وجسم الرايه وقتها بيكون تصحيح مؤقت او فتره استراحه للسهم ثم يعود السهم لمواصله اتجاهه الاصلى
- على الشارت الاسبوعى عندنا انفراج او انحراف سميه زى مانت عاوز بين السعر ومؤشر الزخم وهو انفراج قوى جدا وكقاعده عامه كده قالنا عليها عمنا مارتن برينج انه "كلما كان عدد الانفراجات السلبيه كبير زمنيا كلما ازداد الانفراج اهميه وكلما كانت بنيه الاتجاه ضعيفه والعكس بالعكس" وعشان نفسر الكلام ده شوف الشارت رقم 3 وشوف السعر ارتفع من القمه 1 الى القمه 2 ومؤشر الزخم عمل قمتين متناقصتين وانا سميتها بالمنقطه 1 ثم السعر ارتفع من القمه 2 الى القمه 3 والمؤشر برضوا عمل قمتين متناقصتين ومعنى الانفراج ببساطه ان السعر يمشى فى اتجاه ومؤشر الزخم زى مؤشر القوه النسبيه يمشى فى اتجاه عكسه وفى مثالنا الحالى ده اسمه انفراج كلاسيكى سلبى لان السعر بيكون قمتين اعلى من بعض ومؤشر الزخم بيكون قمتين اقل من بعض وشوف هنا عدد الانفراجات السلبيه مع الامتداد الزمنى كان نتيجته انهيار مبالغ فيه لسهم طلعت مصطفى لا يستقيم ابدا مع مكانه الشركه وقوه مركزها المالى المستقر والحقيقه ان السهم مثله مثل العديد من اسهم السوق المصرى يتداول تحت قيمته العادله (UNDER VALUED) التى تدور فى نطاق 14 جنيه بل ان السهم يتداول تحت قيمته الاسميه بحوالى 50% وبالمناسبه مرحله تداول الاسهم تحت قيمتها العادله هى اخر مراحل الانهيار فى السوق الدببى والتى تدخل فيها الاموال الذكيه لاعاده كره الصعود مره اخرى لكن متى تنتهى هذه المرحله-مرحله التداول تحت القبمه العادله- لا احد يملك الاجابه على هذا السؤال بشكل محدد
