بسم الله الرحمن الرحيم
https://www.youtube.com/watch?v=A9oTcKLr3Tw
بالنسبه للرد على بعض الاسئله والاستفسارات عن الشركات المختلطه (اصل نشاطها حلال زى الزراعه والصناعه والنقل والشحن والمقاولات وكل ما هو متعارف عليه من انشطه حلال ، وينص عقدها التاسيسى على ذلك ولا يشمل فيه النص على التعاملات المحرمه ، ولكن يدخل فى بعض عملياتها الحرام زى الاقتراض من البنوك الربويه بالفوائد او ايداع فوائض اموالها فى بنوك ربويه واخذ فائده عليها او المساهمه فى شركات لها انشطه يدخل فيها الربا او الحرام بشكل عام ) والحقيقه ان المشكله تكمن فى مثل هذه الشركات لا ختلاف الاراء الفقيه هنا لا تعد ولا تحصى واللى حرموا المساهمه فى الشركات دى لهم ادله معتبره وكذلك اللى سمحوا بالمتاجره فيها تحت ضوابط معينه لهم ادلتهم المعتبره
حضرتك انسى اللى انا قلته وابدء مع اراء الناس اللى ايدت المتاجره فى اسهم الشركات المختلطه وانا جايب رابط فيديو لشيخ اسمه يوسف الشبيلى ارائه كان متفق معاه الشيخ القره داغى والشيخ القرضاوى والشيخ منيع وغيرهم
والرابط الثانى لموقع اسمه صيد الفوائد استعرض الرأيين لكنه بيميل لرأى حرمه المتاجره فى هذه الاسهم ورد على الاقاويل التى اباحت المتاجره فى هذه الشركات
ممكن بعد ما تقرء الاتنين يحصلك حاله من التشتت والشك وده غالبا اللى هيحصل وقتها استفتى قلبك وصلى استخاره ومن رأيى انك تروح للازهر او مجمع الفتوى وتطلب حد من كبار العلماء ومعروف عنه الورع ، ويكون خلفيته ماليه او اقتصاديه او يكون متخصص فى المعاملات الماليه عشان يقدر يفتى بشكل صحيح لان الحقيقه شخصيا اكتشفت ان فيه تفصيلات صغيره بتفرق فى المواضيع اللى زى دى ، وكانت من الامور الملتبسه عليا شخصيا ،الفرق فى المعنى بين فوائد البنوك الربويه والبنوك الاسلاميه من حيث انهم بيعطوا نفس الفائده تقريبا ونفس التحديد المسبق لسعر الفائده - بعيدا عن ان اصل انشطه البنوك الربويه حرام شرعا- وحتى ان كان للبنوك الاسلاميه هيئه شرعيه لكن حسب علمى ان فيه بنوك اسلاميه لها هيئات شرعيه ممكن بيفلت منها بعض المعاملات اللى بتحتاج الى تنقيه لكن فى الاخر الوزر اذا حدث فى بعض المعاملات يتحملها اصحاب الهيئه الشرعيه وكل حسب اجتهاده ، لكن لما قعدت مع ناس فاهمه وسئلت فى الموضوع ده وسئلت عن بعض الاتفاقيات اللى كانت من وجهه نظرى انها ربويه ، عرفت ان فيه تفاصيل صغيره جدا بتحول المسار من الحلال الى الحرام او العكس بل يكاد اللفظ الواحد مكن يقلب الحلال الى حرام او العكس
الغريبه ان البنوك الربويه سهل جدا انها تتحول لبنوك اسلاميه وهتكسب برضوا كويس جدا والاغرب ان الشركات بتروح تقترض من البنوك الربويه رغم توافر البديل الاسلامى وتخرج من الحرام ، وصيغ المضاربه والمرابحه وغيرها هى فى الاخر هتحقق نفس الهدف لكن بالحلال
اخيرا عايز افكر الناس بجزء من الحديث الشريف ان من ترك المشتهبات(الامور التى لا يدرى الانسان عنها ان كانت حلال ام حرام) فقد استبرء لدينه وعرضه ومن وقع فى الشبهات فقد وقع فى الحرام ، فمن يشك فى شىء ما ويبحث عن حلاله من حرامه عليه ان يتوقف عنه حتى يثبت له حله من عدمه فان كان حرام توقف عنه وتخلص من بقيته وان كان حلالا وبذل جهده فى التاكد من حلاله واطمئن قلبه فعلى بركه الله
الرابط الاول للشيخ يوسف الشبيلى وجواز المساهمه فى اسهم الشركات المختلطه
الرابط الثانى لموقع صيد الفوائد وفيه اراء الطرفين وان كان الموقع يميل الى حرمه المساهمه فى هذه الشركات
الرابط الثالث للشيخ يوسف الشبيلى ايضا عن الزكاه عن الاسهم اذا حال عليها الحول
