بالنسبه للناس اللى دايما بيتكلموا عن اسعار الفائده و تأثيرها على الاسواق المالية
يا ريت يراجعوا الشارتات التاليه دول ويحدثوا معلوماتهم شوية ويرجعوا للتاريخ سواء البعيد او القريب ، عشان يعرفوا ان مافيش علاقة خطيه او منطقيه بين اسعار الفائده والاسواق الماليه
الجراف الاول : نشوف ايه اللى حصل للداو لما اسعار الفائده ارتفعت فى فترتين مختلفتين الاولى من عام 1942 الى 1966 ونلاحظ ان العلاقه كانت طرديه بينهما ومع زياده اسعار الفائده كان الداو جونز يصعد ، ونفس الحال تكرر من الفتره 200-2007
الجراف الثانى : بيوضح ايضا انه مع انخفاض اسعار الفائده كان هناك هبوط فى الداو جونز من الفتره 1929-1932 والنيكاى (المؤشر اليابانى) فى الفتره من 1989-2003
الجراف الثالث : بيوضح العلاقه المتقلبه بين سعر الفائده والداو جونز فى فترات زمنيه مختلفه ، وفى بعض الاوقات نلحظ انه مع ارتفاع اسعار الفائده كان سوق الاسهم يصعد وفى احيان اخرى مع ارتفاع اسعار الفائده كان سوق الاسهم يهبط والعكس بالعكس
ومش هنروح بعيد اعتقد انه فى اخر عامين ارتفع سعر الفائده لاكثر من 6 مرات متتاليه وكان اداء الاسواق الامريكيه فى اعلى قمه له ولم نجد ما يثبت صحه مقوله THREE STEPS AND STUMBLE وم نجد ايضا انهيارات فى الاسواق الماليه او الحديث عن ارتفاع تكلفه الاقتراض ، ولكن بالعكس شركات حدث لها نمو فى ارباحها وقيمتها السوقيه مثل ابل التى تخطت حاجز التريليون دولار وامازون ومايكروسوفت على مشارف هذا الرقم ومعدلات البطاله فى ادنى مستوى لها ، وهنا فى مصر ارتفعت الفائده بمقدار 700 نقطه اساس منذ التعويم فى اواخر 2016 وحتى شهر يوليو 2017 وكان اداء السوق المصرى فى اعلى قمه له وحقق مكاسب تجاوزت 100% برغم ارتفاع سعر الفائده وتطبيق ضريبه على تدولات البورصه
ودايما العلاقه بين سعر الفائده والاسواق الماليه بتتوصف IRRATIONAL RELATIONSHIP " العلاقه غير المنطقيه او غير المعقوله"
دايما فى صعود الاسواق او هبوطها دور على SOCIAL MOOD ، ما تتعبش نفسك فى اسباب تانيه من نوعيه اسعار الفائده او مؤشرات الاقتصاد الكلى او اخبار ايجابيه او سلبيه دى كلها عوامل ثانويه ، لان الاسواق الماليه فى حقيقه الامر هى اللى بتقود الاقتصاد مش العكس
