فى التحليل الحالى هركز على 1- الفوليوم 2- المومننتم 3- شخصيه الموجه
على الفريم الشهرى لو بصينا على الفوليوم بين القدم الاولى للتصحيح والمنتهيه عند قاع 12000 والقدم الثانيه للتصحيح واللى انتهى منها من الموجه الثالثه ، وبالمناسبه الموجه الثالثه سواء فى الفوليوم او العزم هى اللى بتكون شكل الفوليوم والعزم الكبير يعنى غالبا هتلاقى اعلى قمم فى الفوليوم هى الموجه الثالثه وكذلك العزم او المومننتم الا لو كانت الخامسه هى اللى ممتده، لو نظرنا لشكل الفوليوم على الشارت المظلل بين الجزئين فى التصحيح هنلاقى الجزئين حجم الفوليوم فيهم معقول لكن القدم الاولى الفوليوم بتاعها اعلى من القدم الثانيه رغم ان القدم الثانيه هى موجه ثالثه منتهيه واشاره السهم لمنتصف الشمعه الكبيره بيوضح الموجه الثالثه من الثالثه اللى هى اقوى موجه فى الترند الخماسى على الاطلاق وهى غالبا اعلى فوليوم واعلى عزم فى الموجه الثالثه نفسها وباقى الموجات ورغم كده نلاحظ ان الفوليوم اقل من القدم الاولى ، وده وضع لا يشير الى موجه دافعه اطلاقا MOTIVE WAVE فمن المفترض ان فى السلوك السعرى للموجه الدافعه الموجه الثالثه تكون هى الاعلى فى احجام التداول والعزم مش العكس ،نفس الموضوع هتلاحظ ان العزم المرصود على الماكد هيستوجرام والمشار اليه بالاسهم عزم القدم الاولى هو الاكبر وده هينقلنا للنقطه الثالثه وهى شخصيه الموجه ، فشخصيه الموجه A دائما تتميز بالفوليوم العالى والعزم القوى نتيجه انها بتصحح السوق الصاعد كله وفى بداياتها بيكون ما زال الناس تعتقد انها فرصه للشراء لكن بعد كده بتكون قادره على توليد موجات بيع قويه نتيجه لليأس والاحباط اللى بيصيبهم لاحظ كمان ان الديفرجنس فى العزم ده بيكون اما بين الموجه الثالثه والخامسه وقليل الثالثه والموجه B من فلات ممتد فى الرابعه واخيرا بين الموجه A والموجه C ، لاحظ كمان ان الارتفاع اللى حصل الايام الماضيه هو موجه رابعه من المفترض تستهدف منطقه 11000-11200 ومن شخصيه الموجه الرابعه هنلاحظ انها فى الاتجاه الصاعد من خصائصها انها بتحدث نتيجه لخيبه امل مفاجئه وفى الاتجاه الهبوطى العكس بيحصل انها بتحدث نتيجه لاخبار ساره مفاجئه لم تكن متوقعه واعتقد هو ده اللى حصل بعد الاعلان عن اجراءات اقتصاديه والتدخل لمسانده سوق المال بــ 20 مليار جنيه وباقى الاجراءات المعلن عنها واعتقد ان ماحدش كان يتوقع ولا من عادات الحكومات المصريه الاهتمام بسوق المال بشكل مباشر ، اى اننا امام تفسيرات واضحه تتماشى التحليل الموجى تقنيا وحسب خصائص كل نموذج موجى
- ما زلت اتبع الترقيم الخاص باننا اصبحنا فى موجه قطريه منتهيه وتحديدا فى الموجه الرابعه ويفشل هذا اليبناريو بالاغلاق تحت مستوى 5500 ، والسيناريو البديل ان الموجه الاولى على فريم السيكل من بدايه المؤشر فى التداول عام 93 تقريبا الى الان هى موجه اولى سيكل والموجه التانيه سيكل تستهدف 7000نقطه حسب هذا السيناريو والمستهدف ده بيأكده نموذج خفاش هارمونيك ان شاء الله نتكلم عنه مره تانيه
