الحقيقه فيه قاعده عند علماء الفقه بتقول الحكم على الشىء فرع عن تصوره وعشان تحكم على شىء حكم صحيح لازم الاول تعرف الشىء ده وتتصوره التصور المظبوط ثم تحكم عليه والتصور هنا مش الحكم الذهنى لكنه الحكم العلمى الصحيح اللى بيضبط الذهن والفكر عن الخطأ، ولو حبينا نطبق القاعده دى فى التحليل الموجى وشخصيا انا استندت على ايه الصوره هتوضح اكتر ،يعنى المره السابقه لما قلت 1- صعب تتعد موجه خماسيه من قاع ديسمبر 2018 عند 21700 الى قمه فبراير 2020 لان الموجه تصحيحيه ومافيش قمه بتنتهى بموجه تصحيحيه وده هيودينا لرقم 2- ان الجزء الاخير من الموجه دى هو موجه خماسيه ولو اخدناها لوحدها زى ما قلت هتكون صغيره زمنيا وسعريا وعندنا حاجه مهمه كتير من الناس بتتجاهلها اسمها "التناسب او التوازن" PROPORTIONAL OR BALANCE والمقصود بالتناسب هنا بين الموجات مش فى الحجم او السعر بس لا كمان فى المقدار والفتره الزمنيه يعنى لما نشوف الموجه الخامسه المشار اليها من 3/10/2019 الى 12/2/2020 وتقارنها بباقى الموجات الاتجاهيه زى الموجه الاولى والموجه الخامسه هتلاقى الموجه الاولى زمنها اخد سنه والموجه الثالثه اخدت حوالى 6 سنوات ده حتى لو حبيت تقارنها بباقى الموجات على نفس الدرجه زى الموجه الثانيه والرابعه هتلاقى الموجه الثانيه اخدت حوالى سنه ونصف والموجه الرابعه اخدت حوالى سنه و9 شهور، تعالى للسعر الموجه دى سعريا 3825 نقطه ، الموجه الاولى حوالى 5000 نقطه والثالثه اكتر من 15000 نقطه بأى عقل ومنطق يبقى فيه تناسب بين الموجه دى وبقيه الموجات على نفس الدرجه من حيث الزمن والسعر 3-يا ترى الموجه الرابعه زى مانا مرقمها فى الشارت رقم 3 مع التحليل الموجى ولوافترضنا انها خلصت عند مستويات 18000 لكن الاهم هل الموجه الرابعه تطورت بشكل مبالغ فيه سعريا او زمنيا ؟! بالعكس سعريا الموجه صححت 43% على تراجعات الفيبو ولو وصلت الى 17000 يعنى 50% فيبو من الموجه الثالثه اللى هى اكتر تانى نسبه شيوعا بتصحح بيها الموجه الرابعه وده حصل لان الموجه التانيه انترميديت (2010-2011) ما صححتش كتير من الموجه الاولى حوالى38% وهى اقل نسبه بتصحح بيها على غير عادتها وكان لازم يحصل التوازن بين التانيه والرابعه من خلال التناوب واذا ما حصلش فى شكل الموجه على الاقل يحصل فى السعر وهو ده اللى حاصل يعنى مافيش ما يدعوا بالنسبالى حتى الان انى اغير وجهه نظرى وفى مره تانيه هوريك الشارت الشهرى للموجه C ايام ازمه 2008 وكتير طلعوا وملوا الدنيا ضجيج ان الداو رايح فى ستين داهيه وعلى رأسهم بريكتر اللى قال وقتها ان الداو هيصل الى اقل من 1000 نقطه وكانت الموجه الخماسيه نهايه ترند مش بدايته ، لكن دايما الترند لما بيبدء بموجه خماسيه او ينتهى بيها توقع بشكل عام انه هيستحوذ على مساحات كبيره سعريا سواء فى الاتجاه الصاعد او الهابط خصوصا لما يكون معاه بانيك او رغبه محمومه فى الشراء
- اذا كنا اتفقنا على الموجه الحاليه انها خماسيه فمن وجهه نظرى على الشارت رقم 1 هناك ترقيم على فريم 15 دقيقه فى اعتفادى ان الداو خلص 3 موجات هابطه وخلص كمان الموجه الرابعه عند فمه 22000 والصعود المفاجىء ده مرتبط بشخصيه الموجه الرابعه فى الاتجاه الهابط بما ان من خصاصها المميزه ان اخبار سعيده ومفرحه للسوق تحدث فجاه وده حاصل بعد ما الامال زادت جدا فى اقرار مجلس الشيوخ الامريكى لحزمه 2 تريليون دولار لمساعده الاقتصاد الامريكى ويبدو ان مجلس الشيوخ فى طريقه لعدم الموافقه وهيرجع الضغط البيعى تانى فى تقديرى وهيبدء تصحيح الموجه الخامسه الهابطه اللى ممكن تصل الى مستويات 17000 لو كان الترقيم صحيح على فريم 15 دقيقه
- مستويات 17000 تم قياسها بناءا على قاعده التساوى بين الموجه الاولى والخامسه لو كانت الموجه الثالثه ممتده وده حاصل وكمان فى الشارت التانى عندنا نموذج هارمونيك شارك صاعد اول مستهدف للنموذج هيقابلنا عند منطقه 16800-17000 وكمان احد طرق قياس الموجه C فى الفلات الممتده هو نسبه 161.8% من B عند ممستوى 17000 بالاضافه الى انه دعم افقى قوى على الشارت الاسبوعى ، ولو الداو رحيم بالناس ممكن الهبوط يصل الى 18000 فلات (نسبه61.8%طول الاولى والثالثه معا)لاحظ ان العد بتاعى لو مش صحيح على شارت 15 دقيقة وده وارد لان مستويات 18000 نقطه التصحيح يكون عندها انتهى فيه ادله عليه زى مستهدف متسع القمه وانا وقتها رجحت فى المشاركه السابقه ان مستويات 18000-19000 يخلص عندها التصحيح والمفترض وقتها عندنا اشارتين على قوه الترند اللى المفروض تكون عليه الاسعار اولهم انقطاع الموجه الخامسه لو اخدنا القاع التانى الاخير مش الاول والاول هو الاصح من وجهه نظرى والاشاره التانيه هى الجاب اللى هتكون وقتها افتتاحيه الترند ومحتاجه ايام كتيره لا غلاقها وهتساعد الاسعار للذهاب لمسافات بعيده ومش بعيد-الجاب- تأيد ترقيمنا للداو وباقى مؤشرات السوق الامريكيه بأنها تحقق قمه جديده والاشارتين بالمناسبه اقوى من بعض، بكده اعتقد ان الصوره وضحت تمام الوضوح
