#الداو_جونز
- بالرغم من ان معظم المؤشرات مش كويسه وبتقول اننا امام ازمه حقيقيه لكن الحقيقه انا عندى ملاحظات فنيه لو انتهى فعلا الترند اولها : ان الموجه البادئه من قاع 21700 ما ينفعش نرقمها 1.2.3 وانما هى موجه تصيحيه والجزء اللى ينفع يترقم فيها خماسى هو بدايه من شهر 10/2019 يعنى دى لو موجه خامسه INTERMEDIATE هتكون قصيره زمنيا وسعريا بشكل عام وخصوصا مع مقارنتها مع باقى موجات الداو وكأن الموضوع جاء على عفله او باستعجال لكن لا تشعر ان الموجه اخده حقها سعريا وزمنيا ، مع ان انا عامل الاطار انترميديت وربما زمنيا احنا بنتكلم مش اقل من الاطار يكون بريمرى يعنى على الاقل فيه درجه زمنيه اعلى منى ان لم يكن درجتين، وثانى الملاحظات ان الموجه E فى المثلث المتسع او الموجه C فى الفلات الممتد بيكون لها نفس الخصائص تقريبا مع بدايه السوق الهابط وكثير من الناس بيعتقدوا انها بدايه الترند الهابط ، وانا شخصيا كنت قلت قبل ما يبدء الهبوط بالشكل ده ان ما عنديش مشكله حتى لو اتكسر قاع 21700 ، ربما الحقيقه ما كنتش اتصور انه هيتم كسره بالسرعه دى وبالعنف ده لكن شخصيا كنت عامل حسابى كاحد الاحتمالات انه يحصل كسر له ، وطبعا انا مقدر الظروف النفسيه والعصبيه وتجمع اكتر من عامل سلبى فى نفس التوقيت بخلى الصوره اوفر اكتر من اللازم من اهمها من وجهه نظرى تاخر الفيدرالى من العام الماضى فى النزول بمعدلات الفائده خصوصا فى ظل ازمات كان اهمها الحرب التجاريه ،وكالعاده لازم يكون متاخر فى الاستجابه ودى حاجه تاريخيه مرتبطه بيه بالاضافه الى اننا شوفنا اخر 3-4 سنوات نوع من العلاقات غير المفهوم والمعتاد زى صعود الاسهم مع الذهب مع الدولار مع البترول وكأن كان فيه فوضى فى الصعود وتشعر كمان ان الناس اتاخدت على غره وحقيقى ما كانش حد عامل حسابه ، عشان كده كان رد الفعل مبالغ فيه رغم ان سوق الاسهم الحقيقه كتر خيره اوى حقق اطول فتره انتعاش كريكورد جديد ولو دى لحظه مينسكى اللى كنت مستنيها من 2018 فلا يلام اى طرف فالكل قد ادى ما عليه ، ثالث ملاحظه ان انا ما عنديش الى الان عد خماسى لكن اللى اكدته قبل كده ان عدد الموجات ثلاثى ولو افترضنا اننا فى الموجه الثالثه من هبوط خماسى، الحقيقه مش عاده الموجه الثالثه ان الثالثه منها ما تكونش هى الاقوى او الاميز ولا تكون هى الممتده لكن التصحيح بادىء بنمط واحد ومافيش تمييز حقيقى لخصائص الموجات المعروفه مش عارف هل ده راجع للبانيك الناس عايشه فيه !
- متسع القمه انا شايف انه مناسب جدا للفوتيلتى الموجوده فى السوق والطريقه الموجوده انا بستخدمها بقسمه هذا الميجافون الى نصفين واعتبار هذا الخط العرضى هو خط النار فالاغلاق تحته هو خروج اجبارى لتحقيق مستهدف غالبا يصل الى حده الاسفل فالتصحيح عن نفسى متوقعه انه ممكن يصل الى منطقه 18000-19000 اما لو السعر خرج بره الميجافون اعتقد ده دليل قوى يؤكد على اننا بدءنا تصحيح على الاطار الزمنى الكبير لان النمط اساسا عاكس للاتجاه
- خلينا نقول معلومات بسيطه اذا افترضنا انه بدء التصحيح الكبير ، فالمفترض التصحيح هيكون على اطار زمنى اسمه جراند سوبر سيكل وتحديدا هنكون خلصنا الموجه الثالثه على الاطار الممتده من عام 1857😁 ونظريا كده المفترض التصحيح ده سعريا يوصلنا لمنطقه 40-386 نقطه ايوه زى ما قريتها كده قمه وقاع الكساد العظيم 1929-1932😀 الرابعه (سوبر سيكل من التالته جراند سوبر سيكل )هل ده ممكن يحصل !!🤔
الله اعلم ايه اللى ممكن يحصل يخلى الداو يصل الى كده هل بقيه الكواكب هتيجى تحاربنا هل نيزك هيضرب الارض ويريحنا هل معركه هرمجدون هتقوم وينزل المسيخ الدجال كله بعلم المولى😁 ، لكن حتى لو افترضنا انه الداو هينزل لقاع ازمه 2008 عند 6500 نقطه شخصيا برضوا مش متخيل ايه اللى ممكن يحصل فى العالم يوصلنا لكده واصلا الناس هل هيكون باقى فيها نفس للبيع بالعزم ده !! ده السؤال الاهم يعنى لو يكون فيهم نفس انا اضمن انهم خلال اقل من شهرين يعملوا مؤشرات جديده للعالم كله
