- العام الماضى قلت اللى عايز يتوقع حركه التجارى الدولى يتابع اداء المؤشرات الامريكيه ، فالغريبه ان التجارى الدولى على ارتباط ايجابى بالمؤشرات الامريكيه خصوصا SP500 بدرجه كبيره ، مش عايز ادخل فى تفاصيل اليوتيه كتير بس الحقيقه الحاجه الهامه اللى لفتت نظرى امبارح انا وبراجع شارتات المؤشرات والتجارى الدولى هو وجود الوتد الصاعد ، واليوتيا النمط ده خطير جدا واخطر من وجوده كلاسيكيا ، فاليوتيا بيسمى TERMINAL PATTERNS يعنى انماط نهائيه بتعكس الترند جذريا ، يعنى ما ينفعش يجى وراها صعود لو فى الاتجاه الصاعد زى ما بيحصل كلاسيكيا بنقول عندنا وتد صاعد فى اتجاه صاعد وتلاقيه اخترق الحد العلوى وكمل صعود وبدل من قيامه بعكس الاتجاه بيتحول النمط لتكمله واستمرار الاتجاه الصاعد، ودايما الحركه اللى بتيجى بعد الوتد الصاعد (القطريه المنتهيه اليوتيا) بتكون حركه قويه وسريعه عشان مافيش حد يقولك كورونا ومكرونه وده اللى حصل للتجارى وشوفنا عنف الحركه اللى كملها بجاب استمراريه
هدف القطريه المنتهيه بيكون على الاقل بدايه النمط يعنى عند 70 على الاقل وتقريبا مستهدف الجاب الاستمراريه بيأكد الهدف ده ، وربما هيحصل تحسن مؤقت فى التجارى زى ماهو متوقع للاسواق الامريكيه لكن الضغط البيعى هيرجع تانى(التحسن المقصود فى تقديرى مش هيحصل قبل الوصول الى 72-72.5 وقد يصل وقتها الى 79 قبل معاوده الهبوط مره اخرى
* المؤشر
الحقيقه من وجهه نظرى عشان السناريو الاول يتحقق ونكون فى موجه رابعه فعلا بقى من غير المقبول ان قاع 10000 لا يتم كسره عشان نكون امام سيناريو واضح ومحدد
اما السيناريو الثانى عشان نقول ان الموجه دى تقريبا من مستويات 5000 وحتى 18400 هى موجه اولى من قطريه منتهيه اعتقد صعب شويه ومحتاجه وقت ربما نهايه الدوره الاقتصاديه لا تترك هذا السيناريو ليتحقق
لكن كلاسيكيا بقى عندنا مستهدف تحت 11000 ونموذج هارمونيك بيكتمل تحت 11000 يعنى اللى اقصده ان مستويات 10000و 11000 ما بقتش بعيده خصوصا ان سبحان الله السيناريو الحالى على المؤشر كان العام الماضى سيناريو بديل مش اساسى وان الارتداد من قاع 12/2018 زى ما حصل مع التجارى الدولى كان لازم المؤشر يكمل صعود ويحقق قمه جديده عشان ارجع واقول ان الاسواق الماليه مرتبطه بدورات اقتصاديه وفيه ارتباط ايجابى بين السوق المصرى والامريكى يعنى فيه صعوبه ان السوقين يمشوا عكس بعض لفترات طويله لان التصحيح القادم للاسواق الامريكيه مع نهايه الدوره الاقتصاديه الحاليه هيكون تصحيح مرعب حسب اللى نعرفه فى التحليل الفنى وهيمتد لسنوات طويله ونظريا مش عايز اقول هيوصل لفين لانه شىء خيالى ماحدش يصدقه ولا انا شخصيا اصدقه ، لكن الله اعلم ما عندناش مثال على حاله زى دى غير اللى حصل فى نيكاى اليابانى لما هبط من 39000 نقطه من عام 88 الى 7000 عام 2008 حتى يصل الى قاعه وما زال فى موجته التصحيحيه حتى الان ، وشخصيا لا اعلم كيف سيكون حال العالم اذا حدث سيناريو مشابه للنيكاى اليابانى !🤔
