الحقيقه رغم اللى حصل واللى بيحصل للاسواق الامريكيه ، لكن من عاداتى لا التهويل ولا التهوين ، مافيش شك ان اللى بيحصل يدعوا للقلق ويخلى ناس كتير ترسم سيناريوهات تصل الى حد الازمات الماليه الجديده وهو تفكير قد يكون له منطقه ولا يلام عليه صاحبه اذا كان عنده من المبررات المقبوله لذلك التفكير
لكن شخصيا لما انظر للشارت الاقى ان المؤشرات الامريكيه دخلت فيما يعرف بمناطق التصحيح حتى الان لكن ماحصلش انعكاس للميجور ترند ولا دخلنا فى سوق هابط رسمى الا بتحقيق 20% من اخر قمه وتقدر تقول ان الاغلاق تحت 21700 دخلنا فى سوق هابط وحصل انعكاس للميجور ترند وتوقعى الشخصى ان الداو وباقى المؤشرات الارجح عندى انها تكسر اخر قاع وما عنديش مشكله فى كده، مع ملاحظه ان الهبوط الاخير تكرر قبل كده فى السنتين السابقتين مرتين منهم فى 2018 كان فى الها واخرها ووصل عمق التصحيح اخر مره الى ما نسبته 19.5% لكن ربما المره الحاليه اللى بلغت 16.5% كانت اعنف بسبب انها كانت زمنيا اقل من المرتين السابقتين والبانيك فيها اعلى من المرتين السابقتين وده له اسبابه الفنيه من وجهه نظرى، يمكن كتير من الناس مش اخده بالها ان فى سنه واحده تقريبا الداو جونز صعد اكتر من 7500 نقطه بدون تصحيح حقيقى ويكفى ان اخر 5 شهور تقريبا صعود مستمروتحقيق رقم كبير من القمم التاريخيه وكان التشبع الشرائى مرصود على المؤشرات الفنيه منذ نوفمبر بشكل متواصل تقريبا وحتى فبراير وانا قلت قبل كده ان التشبع الشرائى فى غالب الوقت بيتبعه تصحيح مؤلم ، كمان التفاؤل اللى وصل لذروته ، واخيرا تحقيق الداو لمستهدفه عند 29500 اللى حددناه فى مشاركه 11/10/2019 انه يتحقق ما بين المدى القصير الى المتوسط ، و اللى بعتبرها مشاركه تاريخيه بكل المقاييس سواء بالتنبؤ بالقمم التاريخيه او بالمستهدفات فى المدى القريب والمتوسط وبسناريوهين مختلفين ، اعتقد ان دى اسباب كافيه فنيا ده غير الاسباب المتعلقه بانعكاس منحيات السندات والعوائد على السندات اللى بتهبط بشكل متواصل واللى دايما بينظر الى موضوع السندات وعوائدها على انه موضوع متعلق بمستقبل الاقتصاد وادائه اعتقد ان كل الاسباب دى لما تتجمع فى توقيت واحد تقريبا طبيعى رد الفعل للاسواق يكون بالعنف ده
ثانيا بالنسبه للسيناريوهات المختلفه ، عندى اكتر من احتمال ربما اقلهم فى الترجيح عندى حاليا اننا فى تصحيح موجه تانيه من خامسه وصحه السيناريو ده عدم كسر 21700 ويأتى بعده ان الداو وباقى المؤشرات تكون خلصت الموجه الكبيره وبالتالى هندخل فى سوق هابط لسنوات طويله ، والاحتمال الارجح عندى ان الموجه البادئه من قاع 21700 وحتى 295000 موجه B تصحيحيه والبانيك اللى حاصل حاليا هو موجه C وهتكون الموجه فلات ممتد تكسر قاع 21700 وتنتهى الموجه الرابعه ، اعتقد ان RUNNING FLAT يمكن تكون حظوظها اقل شويه من الممتده والاحتمال الاخر فى تصحيح الموجه الرابعه انها تكون مثلث يعنى هيكون فيه تذبذب بالعرص يعنى غير السوينج الحالى هيكون فيه سوينج صاعد لقرب 29500 مره تانيه وبعدها سوينج هابط يكون قريب من مستويات 23000 وبعدها تبدء الموجه الخامسه اللى غالببا هتحقق قمه جديده فوق 29500 ، ممكن ناس كتير تشوف الكلام ده تخاريف بس عايز اقول اننا فى المرتين السابقتين كنا بنقول خلاص الاسواق الامريكيه ادمرت وهيبدء سوق هابط لكن السوق كان بيرجع ويخالف الاجماع ، غالبا مع اول تحسن فى المعنويات هتلاقى كتير من الاراء ارتدت عن اللى قالته
لكن شخصيا نصيحتى للناس المتداولين العاديين يبعدوا عن السوق حاليا فى الفولتيلتى العاليه دى والسوق فيه فرص للمحترفين زى ما وضحنا فى المتاجره القصيره اول امس ويبقى الشغل بعقليه الصياد وعلى الكوانتر ترند واخرج بعدها وبوقف خسائر منضبط جدا ، لحد ما السوق يهدى والفولتيلتى تقل والافضل نراقب سوق السندات عشان نعرف ان كان البانيك خلص ولا لسه مستمر
