الحقيقه لو نظرنا الى الشارتين المرفقين تقريبا بيأكدوا الكلام اللى دايما بكرره فى محاوله لتصحيح الوعى بأن اكتمال الباترن هو الاساس ،وان الاسواق الماليه هى من تقود ولها منطقها الخاص ، وزى ما قلت سابقا ان الاسواق الماليه تنبؤيه بطبعها واذا تفاعلت مع احداث جاريه خرجت عن المالوف واصبحت تفاعليه، واعتقد لو رجعنا لانهيار 1929 وازمه 2008 نجد ان الاسواق الماليه كانت سابقه الحدث وهى من تنبأت به مش العكس ، عشان كده لو حصل ان الدوره الاقتصاديه لجوغلر انتهت فعلا خلال الشهور القادمه يبقى اللى احنا شايفينه حاليا من انهيار فى الاسواق الماليه او البترول بيعبر عن هذا الحدث، وفيما بعد يتم الاعلان الرسمى زى ما حصل فى ازمه 2008 والاسواق الامريكيه بدءت هبوطها من 10/2007 وتم الاعلان عن الازمه العالميه رسميا فى 2008، كمان دور التحليل الفنى فى التنبؤ دور خطير جدا وهبقى اتكلم عنه فى مشاركه لوحدها لكن الشارت رقم 2 بيمثل دور التحليل الفنى فى التنبؤ ودور اكتمال الباترن فالشارت للنفط من عام 2016 يعنى لا كان فيه كورونا ولا كان فيه اوبك+روسيا ورغم كده بتوفيق ربنا قدرنا نحدد قاع 26 دولار الشهير قاع مؤقت سيتم كسره لاحقا بعد صعود مؤقت يستهدف منطقه 60 دولار-70 دولار طب وهو مين اللى قالنا ان فيه هبوط تانى بعد الصعود المؤقت ؟! لا احنا منجمين ولا بنضرب الودع والعياذ بالله ، لكن فيه موجه لسه ما اكمتلتش ولما تكتمل هتلاقى النفط بيصعد لارقام خرافيه حتى لو حرب عالميه ثالثه قامت
بالنسبه للشارت رقم 1 بيمثل ايضا حاله فريده من اكتمال الباترن وفى ظل الظروف الحاليه بنلاحظ ان اليورويغرد خارج السرب ومن ايام قليله كنت نزلت تحليل لليورو وقلت ان اول مستهدف له عند 1.1503 وعرفنا ان اليورو هيصعد فى ظل الظروف الحاليه بناءا على ان فيه موجه انتهت(الموجه 1) واصبح عندنا مستهدف اول بناءا على نمط اكتمل ايضا وهو الوتد الهابط المتسع كلاسيكيا او اليوتيا اسمه القطريه الخلفيه ، الموضوع سهل جدا وبسيط مش محتاجين نحول نفسنا محللين اخبار ولا مذيعين نشرات اخبار
