التجارى الدولى

بسم الله الرحمن الرحيم

• التجارى الدولى على فريم الساعه وكنت اتكلمت فى اخر تحليل للتجارى على ان افضل شىء له انه يرتكز على معكوس رأس وكتفين عشان يغير اتجاهه فى المدى القصير ويقدر يخرج من القناه الهابطه اللى رسمها لنفسه ، وبالفعل قدر السهم انه يكون نمط معكوس الرأس والكتفين بالرغم من انه يعانى من بعض التشوهات ، لكن قدر السهم ان يغلق اعلى مستوى 78.5 المقاومه القويه اللى قولنا عليها انها كلمه السر فى صعود التجارى الدولى 
• اليوتيا انتهت الموجه الرابعه MINUTE بداخل وتد متسع عند مستوى 94.92 وكان شكل الموجه دى دبل زجزاج (WXY) والحقيقه انا بختلف مع الناس اللى مرقمينها زجزاج ، فمن القواعد المهمه فى النماذج الكلاسيكيه زى الرأس والكتفين تخلى بالك من الفوليوم والممونتم خصوصا الفوليوم ، فطبيعه الرأس والكتفين او معكوسه بيكون الكتف الايسر فيه هو الاعلى حجما ثم الرأس ، لكن فى بعض الاحيان بيحصل ان فوليوم الرأس بيكون اعلى من الكتف الايسر ، والموضوع ده بيفيدنا اليوتيا انك تقدر تحدد فى حاله وجود رأس وكتفين او معكوسه ان كان رأس النموذج هى نهايه الترند ولا الكتف الايسر هو نهايه الترند ، بالتطبيق عل حاله معكوس الرأس والكتفين هناهنلاقى ان الموجه المرقمه A (الكتف الايسر) الفوليوم الخاص بتاعها اقل من فوليوم رأس النموذج ، كمان على الماكد هيستوجرام هنلاحظ ان المونتم الخاص برأس النموذج يتساوى وربما اعلى من الكتف الايسر ، وده لا يتماشى اليوتيا مع خصائص الموجه التالته المعروف عنها بارتفاع احجام تداولها والممونتم القوى اللى بيميزوها ، وبالتالى ما ينفعش هنا نرقمها موجه 3 
• التجارى الدولى بدء موجه اولى على فريم MINUETTE واذا كان الترقيم صحيح فهو فى موجه ثالثه  MICRO قد تستهدف مستويات 81.5 وبالتفصيل اكثر فحاليا السهم فى موجه رابعه MICRO حققت حدها الادنى واذا كان هناك هبوط اخر لتجارى الدولى فربما يصل الى مستويات 77-78 ثم يرتد صاعدا لاستهداف مستويات 81.5 اما اذا كانت الموجه الخامسه ممتده فربما يصل السهم الى مستويات 84-85 
• اذا كان هذا الترقيم صحيحا مع الترقيم السابق للمؤشر فالترجيح يذهب الى تحقيق قمم تاريخيه اخرى فنحن على موعد مع مستويات 14600 وربما تصل الى 15000 قبل نهايه العام

القطاع العقارى المصرى

بسم الله الرحمن الرحيم

• قطاع العقارات المصرى ، والحقيقه كنت رجحت 3 قطاعات فى الرد على احد الاصدقاء على الفيسبوك وهم قطاعات العقارات والبتروكيماويات والخدمات الماليه وممكن نضيف لهم قطاع السياحه لكن الحقيقه ان قطاع العقارات من اميز القطاعات وله مساهمه تصل الى 14% فى الناتج المحلى الاجمالى وحجم الاموال المستثمره فيه لا تقل عن 200 مليار جنيه وما زال العقار يمثل مخزن للقيمه فى ظل اعاده تسعير الاصول بعد تعويم الجنيه ، ومن وجهه نظرى الشخصيه ان هناك 3 شركات فى هذا القطاع تعتبر واعده خصوصا انها شركات قويه ماليا ، وانا هكتفى بردى المذكور سابقا واضيف لطلعت مصطفى وبالم هيلز، شركه سوديك اللى بلغ نمو ارباحها فى اول 6 شهور 130% وعندها مشاريع زى سكاى كوندز  وسوديك ايست والمشاركه الجديده على 300 فدان فى الساحل الشمالى ليصبح محموع الاراضى فى الساحل الشمالى 600 فدان والحقيقه ان الاستحوذات الجديده فى عام 2017 هترفه نمو ارباح الشركه بما لا يقل عن 25% وفنيا السهم 16.75 عنده مستهدف 18.50 ثم 23 جنيه والقيمه العادله للسهم حاليا تدور بين 23-24
• القطاع العقارى فنيا ما زال امامه صعود وعلى الشارت كون نموذج هارمونيك فراسه بيعى يكتمل عند مستويات 2075 نقطه والحقيقه ان مؤشرات العزم  بتاكد ما قلناه فقد وصل مؤشر القوه النسبيه الى مناطق التشبع واعطى اشاره دخول بتكوين دايفرجنس خفى ايجابى ، وكذلك مؤشر الماكد اعطى اشاره شراء بداخل الدائره وهو من اقوى اشارات المؤشر بتقاطع خط الماكد مع اشارته ايجابيا عند التماس مع خط الصفر لليهستو جرام
• خلى بالك من نتائج الاعمال للربع الثالث وما خرج الى النور من هذه النتائج معظمه جيد وهو ما  سيكون له اثر فى تكمله الصعود للمؤشر الثلاثينى وسابقا المؤشر الثلاثينى ذكرنا له مستهدفات ما بين 14500-14600 وربما تمتد الى 15000 نقطه ، ربما السبعينى تقابله حاليا مقاومه عند 780 فى تجاوزها له ارتداده قد تصل الى 790-805

EGX70 ELLIOTT WAVE COUNT

بسم الله الرحمن الرحيم

• المؤشر السبعينى على الفريم الاسبوعى وتحليل موجى ، ومن المشاكل اللى بتقابل اى حد بيحلل موجى للمؤشر ده انه بيبدء تحليله من قمه 1253 وبيتناسى الترند ما قبلها وبما ان المؤشر بادىء من بدايه 2008 فالجزء الصاعد يعتبر جزء من ترند صاعد قبله زى ماهو موضح بالاسهم وبالتالى كقاعده تقدر تتعلمها ، ان اى شارت البيانات فيه مش كامله تقدر من خلال اول موجة تصحيحيه داخل التصحيح الكبير تحدد الدرجه اللى السهم او المؤشر بيصحح عليها،  وكمثال عملى على كده  قدرنا من خلال الموجه المظلله وهى الموجه A وكانت فترتها الزمنيه 10 شهور ومن خلال معرفتنا بالدرجات هنلاقى ان درجه هذه الموجه هى  الدرجه المتوسطه (INTERMEDIATE) ، اللى فترتها الزمنيه من اشهر الى ارباع وبما ان زمن الموجه دى  10 اشهر يعنى اكتر من شهرين واكتر من ربعين يبقى احنا كده قدرنا نتعرف على درجه الموجه ،  ولو كانت خماسيه يبقى كل خمسه موجات هتنقلنا للدرجه الاعلى منها ولو كانت ثلاثيه يبقى عند اكتمال 3 موجات (A-B-C او WXY) هتنقلنا للدرجه الاعلى منها ، والموجات الفرعيه المكونه للموجه دى هتكون على الدرجه الاقل 
• نقدر نرجع الترند الصاعد ده لبدايه اعاده البورصه للعمل عام 1993 زى ما حصل مع المؤشر الثلاثينى وبما ان الموجه من 1993-2008 حوالى 15 سنه يبقى احنا بنتكلم عن فريم السيكل والطريقه الاولى اللى اتكلمنا عنها تقدر تحدد بيها اى درجه على اى شارت  ما تعرفش بيانتها بادئه من امتى زى للعملات مثلا ، لكن هنا الموضوع ممكن يكون اسهل بما اننا عارفين تاريخ اعاده العمل للبورصه ، و هنا افترضنا ان الترند السابق هو موجه اولى سيكل والتصحيح من قمه 1253 عام 2008 الى قاع  324 عام 2016 هى الموجه الثانيه سيكل ، واعتقد ان تصحيح استغرق 8 سنوات كافى جدا للترند السابق خصوصا وان الموجه دى تعتبر موجه دبل زجزاج يعنى تصحيح حاد  والتصحيحات الحاده مش بستغرق زمن كبير، كمان الموجه دى ارتبطت مع الموجه الاولى زمنيا باحد نسب الفيبوناتشى وهى 50% 
• الموجه الثانيه جاءت على شكل موجه مركبه دبل زجزاج WXY انتهت الموجه W منها عند قاع 372 والموجه X انتهت عند قمه 672 واخير الموجه Y عند قاع 323 وبدء المؤشر السبعينى فى تصحيح الموجه الثالثه سيكل على الفريم الكبير التى من المرجح لها ان تستمر اكثر من 20 عام  اذا ما كان هذا التحليل صحيح
• منذ قاع 2016 والمؤشر يسير فى قناه صاعده وانتهى من تكوين اول موجتين على فريم MINOR وكما قلنا ان اول موجه هى من رسمت الدرجه التى يصحح عليها المؤشر ، فقد استغرقت الموجه الاولى  من اسابيع الى ربع سنه ، وحاليا المؤشر يبنى فى الموجه الثالثه MINOR والتى جاءت ممتده ، والامتداد هنا واضح من الصعود الحاد للموجه ومن الموجات الفرعيه بداخلها والتى كانت سببا فى هذا الامتداد ، واذا افترضنا صحه هذا السيناريو فتحديدا المؤشر انتهى من الموجه الثالثه على فريم MINUTE (اللون الموف)  وبالتالى التصحيح الحالى للمؤشر هو الموجه الرابعه الهابطه على نفس الدرجه ، ومش عايز ازعج الناس ان تصحيح الموجه دى من المفترض انه ينزل لحدود الموجه الرابعه الاقل درجه يعنى مستويات 700 نقطه ، لكن على الاقل ممكن نشوف الموجه دى عند مستويات 740-750 نقطه والاحتمال يتلغى فى حاله اختراق القمه الحاليه عند 827 نقطه
• من وجهه نظرى الشخصيه ان نتائج الشركات للفصل الثالث من هذا العام هو من سيحدد اداء المؤشر فى الفتره القادمه وزى ما قلت قبل كده وبكرر تانى انسوا موضوع اللائحه التنفيذيه ده فاثر هذا الخبر اتاخد فى الصعود الماضى منذ الاعلان عن قانون الاستثمار

DRAGHI'S RECENT SPEECH AND ERU vs USD

 IN THE NAME OF ALLAH, THE MOST GRACIOUS , THE OST MERCIFUL
ABOUT DRAGHI'S RECENT SPEECH , I DO THINK THERE IS NOTHING  NEW IN WHAT HE SAID. THE VAST MAJORITY OF THE EXPECTION  WERE  REFERRING TO THREE SCENARIOS , THE FIRST IS TO KEEP THE PURCHASES AT THE SAME VALUE OF 60 BILLION  EURO PER MONTH , THE SECOND TO REDUCE THE PURCHASES TO 40 BILLION EURO ,  AND  THE THIRD OPTION IS A LARGER REDUCE IN ASSETS PURCHASES TO 30 BILLINO EURO OR LESS WITH THE EXTENSION OF THE PROGRAM FOR 9 MONTHES OR MORE SO I AM SURPRISED BY THOSE WHO SAY THAT EURO FELL AS A RESULT OF THE THE INVESTORS DISAOPINTED THEIR EXPECTIONS , BUT WHY?! I DONT KNOW , I DO THINK WAT GRAJI SAID COME IN LINE WITH EXPECTION SIGNIFICANTLY, THE MOST REALISTIC ANSWER FOR ME IS THAT THE EURO   TECHNICALLY IS WEAK SINCE EARLY LAST MONTH , AND HE IS FORMING A NEGATIVE HEAD AND HOULDRES , FURTHERMORE , THERE IS A NEGATIVE FAILURE SWING ON THE RSI INDICATOR, ON THE OTHER HAND WE SEE THE STRONG PERFROMANCE OF DOLLAR , SO I DO THINK THE EURO WILL SUFFER THE NEXT PERIOD , AND THE MOST LIKELY WILL RECEDING TO 1.1250 .

لحظه مينسكى والاسواق الماليه (MINSKY MOMENT)

بسم الله الرحمن الرحيم

هيمان مينسكى عالم اقتصاد امريكى (1919-1996)  بنى نظريته عكس باقى الاقتصاديين الذين دائما يفسرون الازمات الاقتصاديه بتعرض الاقتصاد لصدمات خارجيه ، فى حين ان مينسكى كان له رأى مخالف بان النظام الاقتصادى الرأسمالى يولد صدمات داخليه  تسبب الازمه

 طب ازاى الكلام ده !

تفسير مينسكى للموضوع ده بان اوقات الازدهار بتزيد التدفقات الماليه للشركات والافراد  بما ان الوسطاء الماليين (البنوك)  فى اوقات الازدهار تتوسع فى التمويل المضاربى للشركات والافراد فى ظل وجود فائده منخفضه  

وبالتالى تزيد شهيه المخاطره عند الشركات والافراد ويكونوا اكتر تحملا لمخاطر المضاربه وبيتبع ذلك زياده معدلات المضاربه وتراكم الديون ومع تحول الاقتصاد من مرحله الاستقرار الى مرحله الزعزعه نتيجه للدوره الاقتصاديه نفسها ، ونتيجه ايضا ارتفاع معدلات الديون  ودخول مضاربين جدد همهم الاول تحقيق ارباح سريعه عن طريق المضاربه وخروج المضاربين اصحاب الخبره بارباحهم و يتحول الاقتصاد الرأسمالى من مرحله البنيه الماليه المحكومه بوحدات التمويل المتحوطه الى وحدات التمويل بالمضاربه (تمويل بونزى) اى ان فترات الازدهار والتفائل المصاحب لهذه الفتره يدفع الشركات والمستثمرين الى اتخاذ قرارات ذات مخاطر عاليه تدفع الى انهيار الاصول فى لحظه ما نتيجه المضاربه المجنونه  وتراكم الديون وكأحد الامثله البارزه فى هذا الشان هو الاقتصاد الصينى ، فالاقتصاد الصينى فى مرحله التعافى الاقتصادى بعد الازمه الماليه فى عام 2008 يعانى  من عوامل عدم الاستقرار المالى المتمثله فى التوسع  فى الائتمان للشركات والافراد لدفع نمو الانفاق الاستهلاكى وتحقيق معدلات نمو مرتفعه ، ورأينا العام الماضى حدوث ازمات كبيره للقطاع المصرفى نتيجه لارتفاع معدلات الديون الممنوحه للعملاء وعدم قدره الكثير منهم على سداد هذه الديون وقد كان التوسع فى منح الائتمان للاسر والشركات للاستثمار فى القطاع العقارى سببا  رئيسيا فى تراكم هذه الديون ولنا ان نعرف انه فى احصائيه عام 2015 بلغ حجم الانفاق من المواطنين الصينين فى شراء المنازل فى امريكا اكثر من 30 مليار دولار وهو حجم يفوق انفاق الامريكان انفسهم فى شراء المنازل ولنا ان نعرف ايضا  ان الديون للاسر قد ارتفعت  من 29.6% فى عام 2012 الى 44.3% عام 2016  كان منها حوالى 50% نتيجه لقروض عقاريه،  ومن الارقام المثيره للانتباه ان الديون بشكل عام سواء للشركات او الافراد تصل الى 3 اضعاف الناتج المحلى الاجمالى للصين والمقدر بحوالى 16 تريلون دولار بمعامل تعادل القوه الشرائيه (ppp)   و بالرغم من تحسن الكثير من المؤشرات الاقتصاديه فى الصين لكن منذ ايام حذر  محافظ البنك المركزى فى الصين من الوصول الى لحظه مبنسكى نتيجه  لتسارع وتيره الديون فى السنوات الاخيره سواء للشركات او للاسر

  والكثير من المحللين يرون ان الاقتصاد الصينى وهو اكبر ثانى اقتصاد على مستوى العالم يمتلك لحظه مينسكى خاصه به ، لكن ما زال امام الصين خلال السنوات القادمه الفرصه لعدم الوصول الى هذه اللحظه من خلال سيطره الدوله على النظام المصرفى  هناك وبالتالى عدم انهيار الاصول وتجنيب البنوك الصينيه مصير ليمان براذرزر وكذلك تجنيب الاقتصاد العالمى حدوث ازمه عالميه اخرى على غرار ازمه الرهون العقاريه عام 2008

ربما ان صرخه محافظ البنك المركزى الصينى للتحذير من الوصول الى لحظه مبنسكى  مع انزعاج  ريتشارد ثالر الفائز بجائزه  نوبل للاقتصاد عام 2017 من التفائل والثقه الزائده فى الدوره الاقتصاديه القائمه ، والتحذيرات الحاليه للبنوك المركزيه العالميه ان لم تتعاون فيما بينها من اجل تنسيق السياسات الماليه خصوصا وان الاصرار على اتباع سياسات ماليه مدفوعه بالتسير الكمى سيخلق ازمه ماليه جديده ، كما جاء على لسان كوشيك باسو كبير الاقتصاديين سابقا فى البنك  الدولى ، كذلك البعض يحذر حاليا من المستويات القياسيه التى وصلت اليها الاسواق الماليه ويشبهون هذه الفتره بالفتره قبل الاثنين الاسود عام 1987 وقد كان الصعود الكبير وقتها من عام 1982-1987 تبعه انهيار كبير بدء بفقدان الداو جونز قى يوم واحد 22.6% من قيمته  والتشابه بين هذه الفتره  حاليا وفتره ما قبل 1987 يكمن فى ان تقييم الاسهم العالميه الى العائد على الارباح كانت عند 24.9% ، وفى هذه الايام بلغ معدل التقييم 21.6% وفى امريكا وحدها ارتفع تقييم الاسهم الى العائد على الارباح الى 23.6%  ونفس الحال فى انجلترا فقد ارتفعت النسبه الى 24.2%  اى ان الارقام تبدو قريبه من المعدلات السابقه ،  وربما ان الفرق حاليا وبين الفتره السابقه هو انخفاض معدل المخاطر ، اعتقد ان هذه التحذيرات لابد وان تؤخذ فى عين الاعتبار خصوصا وانه من الناحيه الفنيه لدينا دوره زمنيه (دوره جغلر) مدتها 9 سنوات بدءت منذ قاع ازمه الماليه عام 2009 تنتهى فى بدايه 2018 واذا امتدت ربما تصل الى النصف الثانى من العام القادم ، كذلك فان الصعود العمودى بهذا الشكل اشبه بالفقاعه (BUBBLE) والتى من الممكن ان تنفجر فى اى لحظه ، وبناءا عليه فقد يكون ترجيحى الشخصى انه لن يتنتهى عام 2018 الا وقد حدث على الاقل تصحيح متوسط الاجل قوى للاسواق الماليه العالميه     

   

التجارى الدولى (COMMERCIAL INTERNATIONAL BANK EGYPT)

بسم الله الرحمن الرحيم

• التجارى الدولى على الشارت اليومى ، والحقيقه ان التجارى الدولى بينطبق عليه الجمله الشهيره " يا عينى على الحلو لما تبهدله الايام" ، التجارى الدولى ما زال يعانى من  مستوى 78.5 وزى ما قلت قبل كده واكدت على اهميه المستوى ده لانه يعتبرحاليا كلمه السر فى الصعود ، وكسره هو اللى وصل السهم الى مستويات 75 جنيه وبرغم ان منطقه 75-77 رجحنا فى تحليل سابق انها تكون منطقه ارتداد لكن انا بقول ان كويس السهم وقف عند 75 بعد كسر مستوى 78.5 القوى
• اعتقد ان الحل الامثل من وجهه نظرى الشخصيه ان التجارى ينزل لمستويات 76-77 ويكون كتف ايمن لنموذج معكوس رأس وكتفين محتمل يرتكز عليه  فى الخروج من القناه الهابطه اللى رسمها لنفسه منذ الاعلان عن اسهم المنحه ، واعتقد ان  اختراق مستوى 78.5 ومن ثم اختراق الحد العلوى للقناه الهابطه من بعدها امر ضرورى حتى لا يدخل السهم فى احتماليه فشل البولباك على نمط الرأس والكتفين الموجود
• ربما على الشارت الاسبوعى هناك امل فى تحسن اداء التجارى الدولى طالما كان اعلى 72.5 فما زلت شخصيا اعول على الدايفرجنس الخفى (POSITIVE REVERSAL) الموجود على مؤشرات العزم (RSI,MACD HISTOGRAM)

التوصيات الماليه فى السوق المصرى

بسم الله الرحمن الرحيم

مناسبه ان بعض الاخوه الافاضل اللى بيتكلموا فى التوصيات وبيدعموا توصايتهم بالشق المالى  ، الحقيقه ان ده تفكير ممتاز جدا ولازم يكون ده المنهج فى التوصيات لان اى توصيه لازم تجمع بين التحليل الفنى والتحليل المالى ،  وكمان لازم اعرف انا بوجه توصياتى دى لمين ، يعنى مين الفئه المستهدفه منها سواء المضارب مثلا او المستثمر متوسط الاجل ولا طويل الاجل 

لكن مع احترامى شوفت ناس بتتكلم عن التحليل المالى وحصرته بس فى الكلام عن مضاعف الربحيه  وبقى فيه شىء من التزيين للناس  بان سهم مضاعف ربيحته مثلا 6 مرات او 7  افضل من سهم مضاعف ربيحته 15 مره او 20 فكده يبقى سهم ممتاز وفرصه  وكلام كتير من هذا القبيل

اعتقد انا وضحت قبل كده ان مضاعف الربحيه استخدامه بمفرده هو رقم مضلل ، لان ببساطه مضاعف الربحيه ليس له امتداد مستقبلى ولا يعكس الصوره الحقيقه للشركه مستقبلا ، واى مستثمر يهمه المستقبل وليس الماضى ، فالبيانات التاريخيه عن الشركه لا تعنى المستثمر فى شىء غير انه ياخد فكره عامه عن اداء الشركه ، لكن انا بستثمر فلوس عايز عليها عائد  منتظم ،  يبقى كلمنى سعادتك عن توسعاتك المستقبليه وهتمولها ازاى ، ويا ترى توسعاتك دى بشكل افقى ولا انت بتتوسع بشكل رأسى  ، كلمنى عن نمو مبيعاتك واستقرارها وبالتالى نمو ارباحك واستقرارها ، ويا ترى انت بتشتغل باستراتيجيه نمو المبيعات وقادر على اجتذاب اسواق جديده والوصول الى عملاء جدد ولا انت بتشتغل باستراتيجه تخفيض تكلفه المبيعات عشان تحافظ على نمو ارباحك ، كلمنى عن وضعك داخل القطاع اللى انت بتنتمى اليه وهتكون ازاى قادر على مواجهه التحديات والصعوبات اللى ممكن تواجه الصناعه اللى الشركه بتنتمى لها ، اللى يهم المستثمر دايما الكلام عن المستقبل وليس الماضى ، وبالتالى لازم نعدل مكرر الارباح العادى بحاجه اسمها مضاعف الربحيه المستقبلى ، واتكلمنا قبل كده عن مكرر الارباح المستقبلى ومعادله بيتر لينش الذهبيه فى الموضوع ده ، وهى انك تبحث عن الشركات ذات النمو السريع  حتى لو مكرر ارباحها عالى وبتحقق ارباح اقل حاليا ، عن انك تستثمر فى شركه ارباحها الحاليه عاليه ومكرر ربحها بسيط لكنها لا تمتك نمو مستقبلى لان النمو المستقبلى قادر على تحقيق ارباح عاليه  تعمل على خفض مكرر الربح مستقبلا ، وطالما ان مكرر ربح الشركه اقل من معدل نموها المستقبلى فده يعتبر فرصه استثماريه لا تعوض

ومثال بسيط تانى لتوضيح الفكره عشان توصل بشكل صحيح 

لو عندى شركتين الاولى مكرر ربحها 10 مرات وبتحقق نسبه نمو 5% خلال السنوات   الخمسه القادمه وارباحها اعلى من الشركه الثانيه ، والشركه التانيه مكرر ربحها 20 مره وبتحق نسبه نمو 30% خلال الخمس سنوات القادمه وارباحها الحاليه اقل من الشركه الاولى  ، لو هتختار بمفهوم مكرر الربح العادى اكيد هتختار الشركه الاولى ، لكن لو بتشتغل ماليا صح هتشتغل على مكرر الربح المستبقلى  هتلاقى ان الشركه الاولى مكرر ربحا المستقبلى 2 مره (10/5) ، فى حين الشركه التانيه هيكون مكرر ربحها المستقبلى 0.66 (20/30) مره ومعنى كده ان الشركه التانيه تمتلك فرص افضل للنمو فى المستقبل وان  ارباحها المستقبليه هتكون افضل من الشركه الاولى صاحبه مكرر الربح المنخفض حاليا والارباح العاليه حاليا  ، كمان سهم الشركه التانيه هيكون مقوم باقل من قيمته الحقيقيه  وبالتالى عنده فرصه لمزيد من الارتفاع لاستهداف قيمته الحقيقه ، وهنا الفرق بين استخدام مكررات الارباح وعرفنا ازاى من خلال مثال بسيط اد ايه استخدام مكرر الربح العادى بمفرده هو رقم مضلل

احنا بنذكر مره تانيه بالكلام ده لعل الذكره تنفع المؤمنين والناس اللى اخدت خطوه ايجابيه فى توصايتها يعدلوا الديفوه القاتل ده فى توصايتهم عشان الصوره تبقى اوضح واصح للناس

DOW JONES (SENTIMENT INDICATORS)

بسم الله الرحمن الرحيم

• فى المشاركه السابقه للداو بتاريخ 3/10/2017 تحدثنا موجيا عن ورجحنا ان يحدث جنى ارباح للداو ما بين مستويات 22850-23000 ، وبالرغم من ان مؤشر FEAR&GREED كان قد وصل الى قراءات قصوى (92) وتوقعنا معه و مع وصول الداو الى مستويات MEGA OVERBOUGHT ان يحدث جنى ارباح فى الداو ، لكن تجاوز الداو هذه المستويات لتستمر هذه الموجه فى الامتداد حتى وصلت الى 23328 حتى الان وقد تصل هذه الموجه الى مستويات 24000 اذا استمرت الاوضاع على ماهى عليه ، قد يكون التفسير المنطقى لهذه الحاله ان ثقه المستثمرين فى الاسواق الماليه مرتفعه جدا خصوصا بعد اقرار النظام الضريبى الجديد ومع تفائل المستثمرين بنمو ارباح الشركات فى الربع الرابع الى 12.4% بعد ان حققت نمو قدره 7.5% فى الربع الثالث ، كذلك فان هدوء التوترات الجيوسياسيه كان لها اثر كبير فى زياده ثقه وتفائل المتعاملين مع الاسواق الماليه وانعكس ذلك على مؤشرات SENTIMENT INDICATORS ، فمؤشر VIX الذى يقيس الخوف لدى المستثمرين عند ادنى مستوياته وقريب جدا من ثانى قاع تاريخى فى حياه المؤشر وهو مؤشر عكسى حركته عكس اتجاه الاسواق الماليه الامريكيه فقيعان المؤشر تمثل قمم للاسواق الماليه والعكس بالعكس ، كذلك مؤشر FEAR& GREED وهو مؤشر يسير فى اتجاه الاسواق الماليه ، بعد ان تراجع الاسبوع قبل الماضى سجل فى نهايه الاسبوع الماضى مستوى مرتفع عند 90 وهو ما يعكس ايضا الرغبه الشديده لدى المستثمرين فى مزيد من الشراء والتفائل نحو الاسواق الماليه ، ولكن مع تحقيق هذه المستويات القياسيه فى ظل مضاربات عنيفه طويله الاجل ما زال البعض متخوف من حدوث "لحظه منيسكى" - فى مره قادمه سنتحدث عن مفهوم لحظه منبسكى ببساطه- وكان من اخر التحذيرات فى هذا الشأن من ريتشارد ثالر الحائز على جائزه نوبل فى الاقتصاد لهذا العام الذى ابدى انزعاجه من التفائل الشديد لاسواق المال وكذلك رئيس البنك المركزى فى الصين الذى حذر من وجود التفائل المفرط فى الدوره الاقتصاديه الحاليه كما حذر من زياده ديون الشركات فى الصين ونمو معدلات الدين للاسره سريعا
• كلاسيكيا فى حال تأكيد اختراق الحد العلوى للقناه الصاعده بشمعه اسبوعيه اخرى فالارجح ان نرى رالى صاعد يتجاوز مستويات 25000 نقطه فى المدى المتوسط البعيد اذا ما استقرت الاوضاع الجيوسياسيه او عدم حدوث نكسات اقتصاديه مفاجئه ، ولا بنفى ذلك حدوث تراجعات ثانويه كتصحيح للترند متوسط الاجل ، اما تصحيح الترند طويل الاجل كما قلنا سابقا يحتاج الى وجود دايفرجنس ممتد زمنيا وهو غير حاصل الان

EGX30 vs HRMSL

بسم الله الرحمن الرحيم

• مؤشر البورصه المصريه ومؤشر هيرمس اخر سعر على الفريم اليومى ، وكنا تحدثنا سابقا عن الارتباط القوى الايجابى الذى يجمع بين المؤشرين بالاضافه الى تاريخية مؤشر هيرمس فى اسبقيه التداول عام 1993 اى قبل مؤشر EGX30 والذى بدء التداول عليه عام 1998 وبالتالى هو خير مرشد لنا عن توقع حركه مؤشر EGX30 وايضا افضل اداه لتأكيد المؤشرات ببعضها لتوقع الانعكاس وتأكيده حسب نظريه داو
• مؤشر هيرمس اليوتيا وحسب اعتقادى انهى الموجه الخامسه MINUTE(اللون الاحمر) من الثالثه MINOR(الترقيم المربع الاصفر) على شكل قطريه خلفيه متسعه مستوفاه لكل الشروط وهو ما جعلنا نرجح ان هذه الموجه قد انتهت ، الا فى حاله ان يحقق المؤشر قمه جديده اعلى 1337 فربما فى هذه الحاله تمتد الموجه الخامسه الى مستويات 1376 ، ولتأكيد ان الموجه الثالثه MINOR قد انتهت نحتاج مبدئيا الى الاغلاق تحت مستوى 1170 وبالتالى قد يكون المؤشر فى طريقه الى التصحيح حتى مستويات 1067
• بالنسبه لمؤشر EGX30 فينطبق عليه ما قيل عن مؤشر هيرمس وربما الاختلاف فى شكل الموجه فقط ، فقد لا يعلم الكثير من المهتمين بالتحليل الموجى ان القطريات الاماميه او الخلفيه  تاتى فى كثير من الاحيان على شكل قناه متوازيه او شبه متوازيه ولا تأخذ شكل الوتد المعروف ، وهو ما قد حدث هنا مع مؤشر البورصه الرئيسى بالاضافه الى ان الموجه الخامسه MINUTE لو انتهت عند مستويات 13970 تكون قد انقطعت وهو امر وارد حدوثه فى القطريات - وان كان فى حالات قليله -  بما انها جزء اصيل من الموجات الحافزه وقد تحدث عن هذا الامر بريكتر فى الدرس الخامس  تحت عنوان DIAGONAL TRAINGLES من ملزمته التى تحتوى على 34 درس وتم اصدراها عام 2005 تقريبا كما هو مرفق فى الصوره ، واذا استمر المؤشر الثلاثينى فى الهبوط وحتى نتأكد من انتهاء الموجه الثالثه MINOR لابد من الاغلاق مبدئيا تحت 12900 وفى هذه الحاله ربما الارجح ان يستهدف المؤشر 11850-12000 ، اما فى حاله تحقيق المؤشر لقمه جديده اعلى 14100 فربما تمتد الموجه الخامسه MINUTE الى مستويات 14500-14600 
• لاى متابع فى البورصه من غير المتخصيين فى التحليل الموجى ، عليه الاهتمام بالمستويات الاتيه 14100 و12900 للمؤشر الرئيسى فتجاوز قمه 14100 يرجح الصعود الى منطقه 14500-14600 ، اما كسر 12900 يرجح وصول المؤشر الى منطقه 11850-12000 حسب السيناريو الذى نتبعه ، وكلاسيكيا عدم تجاوز قمه 14100 نرجح معه وجود رأس وكتفين محتمل فى المدى القصير يكتمل بالاغلاق تحت مستوى 13411 وسنذكر مستهدفه لاحقا اذا ما اكتمل

الاقتصاد السلوكى وجائزه نوبل عام 2017

بسم الله الرحمن الرحيم
الراجل ده يا جماعه اخد جائزه نوبل  فى الاقتصاد عام 2017 فى حاجه اسمها الاقتصاد السلوكى وفاز بالجائزه دى عن ابحاثه فى ربط  التحليلات الاقتصاديه والنفسيه وتأثيرها على سلوك الفرد وتوجهات الاسواق
احد اهم واكبر انجاوته كتابه عام 2008 بعنوان NUDGE (التنبيه) واللى حقق مبيعات كبيره جدا وقتها والكتاب كان بيبحث عن  الاسباب اللى بتدفع الاشخاص  للاختيارات  السيئه او غير العقلانيه فى قرارتهم الاقتصاديه ، الحقيقه ان فكره التنبيه اللى اخترعها هذا العالم الكبير دفعت انجلترا فى ولايه كايمرون لانشاء وحده متخصصه فى التنبيه عام 2010 لايجاد طرق ابداعيه لتغيير السلوك العام.
التنبيه او التحفيز لتشجيع الافراد فى تغيير سلوكهم وتجنب القرارات السيئه فى قرارتهم وحثهم على التخطيط فى  المدى البعيد من ابرز اسهامات هذا الرجل والذى ربط تأثير الجانب النفسى على القرارات الاقتصاديه ، ومن هنا يتضح لنا اهميه الجانب السيكلوجى كمدخل هام يرتكز عليه التحليل الفنى، وزى ما وضحت قبل كده ان الجانب السيكلوجى هيكون له اهميه خاصه فى تفسير كثير من الظواهر التى تحدث فى الاسواق الماليه خصوصا بعد ازمه 2008 ، وها هو ينمكن هذا الرجل من تأكيد ما ذكرناه سابقا فى حديثنا عن SOCIONOMIC

بعض الملاحظات عن تراجع عجز الميزان التجارى المصرى

بسم الله الرحمن الرحيم

• شىء طيب جدا انك تسمع معلومه عن انخفاض العجز التجارى بنسبه 37% بعد 8 شهور من 2017 ، لكن كان فيه بعض الملاحظات  اللى بشوفها مهمه فى التعليق على الانفجراف الموجود ، وهى انه ما زال نمو الصادرات بعيد جدا عن الارقام المستهدفه بعد التعويم عشان تشعر بقيمه التعويم فعلا لعملتك ، فنمو الصادرات الغير بتروليه بنسبه 11% يعتبر رقم بعيد عن نسبه الانخفاض فى قيمه عملتك وده رقم مهم بالنسبالى باعتبار اننا دوله مش بتروليه ، وصحيح انك مش هتحقق النسبه دى من اول سنه للتعويم لكن كان على الاقل تبقى نسبه الزياده لا تقل عن 20% فى ظل انك تمتلك ميزه نسبيه حاليه ربما لن تتوفر فى قادم السنين اذا حصل ان الدولار اخد اتجاه نزولى امام عملتك وبالتالى ممكن تفقد بعض من مزايا الانخفاض النسبى لاسعار صادراتك ، عشان كده قلنا سابقا ان التعويم لوحده مش كفايه  ولازم اولا اوجه اولوياتى فى الانفاق نحو دعم القطاعات التصديريه زى قطاع الاسمده والكيمياويات اللى كنت اتكلمت عنه قبل كده فى دعم الطاقه له ممكن تخلق لنا فرص تصديريه بنحو 3 مليار دولار فى السنه وحسب الانفو جراف الحالى يعتبر من افضل القطاعات التصديريه ، وتانى حاجه الاهتمام باصلاح الجهاز الانتاجى فى مصر سواء بالتحديث التقنى لمعداته او بتدريب العماله المصريه  
• الحاجه المهمه هنا ان انخفاض الواردات لاز يقابله زياده فى الصادرات بنفس نسبه انخفاض هذه الورادات ولو تجاوزنا هذه النقطه ، فهناك نقطه اهم من وجهه نظرى وهى هل كفاءه الجهاز الانتاجى فى مصر قدر يعوض انخفاض الواردات ؟! بالتأكيد لاء، لان من مشاكلنا الكبيره فى مصر هو نقص الانتاج الحقيقى اللى راجع اما لتوجهات سياسيه او للفساد او لتهالك انظمه التشغيل والانتاج  وبعدها عن التحديث التقنى واسلئوا قطاع الغزل والنسيج او لعدم تدريب العماله المصريه تقنيا ، الحقيقه ان عدم كفاءه جهاز الانتاج المصرى فى تعويض الواردات بيخلق تضخم فى حد ذاته ، فثبات المعروض من السلع والخدمات ومع توافر سيوله فى جسد الاقتصاد يخلق نوع من التضخم اسمه تضخم طلب وهو ما يعبر عنه اقتصاديا " ان نقود كثيره تطارد سلعا محدوده" وحتى وان كان المركزى المصرى بيشتغل على  انه يلم السيوله من السوق باجراءات من وجهه نظرى فاشله لانه هو -البنك المركزى - سبب رئيسى فى وجود السيوله دى طالما ماكينه طبع النقود شغاله بدون غطاء سلعى او خدمى
• اعتقد ان فقه الاولويات فى مصر غير موجود فبدلا من الصرف الهلامى على العاصمه الجديده وبميزانيات مفتوحه فالاولى لمصر ان تعيد تشغيل المصانع العاطله والتى يبلغ عددها تقريبا اكثر من 5000 مصنع وحتى الشركه التى ازمعوا انشائها وهى شركه مصر لرأسمال المخاطر المنوط بيها حل للشركات والمصانع المتعثره ما زالت لم تظهر الى الوجود بسبب الروتين ، فان كانت مصر جاده فى الاصلاح الحقيقى فعليها توجيه النفقات الى ما يصلح الانتاج الحقيقى واوله انتاج السلع الرأسماليه بدلا من الانفاق الترفى الذى لا عائد منه اقتصاديا فأى نفقه فى المفهوم الاقتصادى لابد لها من عائد اقتصادى والا تصبح خساره ، حتى لا نتفأجا بعد ذلك ان العاصمه الاداريه كانت لرفع الروح المعنويه زى تفريعه القناه الجديده 
• للمره المليون لو عايزين نهضه حقيقيه بجد لابد اولا من اصلاح المناخ السياسى عشان تقدر تجذب استثمار مباشر حقيقى فأول حاجه بيسئل عنها المستثمر الاجنبى هو المناخ السياسى والهدوء ثم بيئه الاستثمار نفسها فبدون حلول سياسيه اولا وتحسين مناخ الاستثمار ثانيا - اللى للاسف مصر فيه من اسوء 20 بيئه استثماريه على مستوى العالم -   لن يكون هناك تقدم ملموس

NASDAQ100

بسم الله الرحمن الرحيم

• مؤشر الناسداك على الفريم الاسبوعى ونمط ايجابى " معكوس الرأس والكتفين الاستمرارى المشوه " اكتمل النمط بالاغلاق اعلى مستوى 5995 لمستهدف قد يصل الى 6400 نقطه 
• استبدلنا هنا الاغلاق فوق اعلى قمه للنمط (5995) بدلا من خط العنق المعتاد نظر لانحدار خط العنق الى اعلى بطريقه يصعب معها اغلاق الاسعار فوقه 

EUR vs JPY

بسم الله الرحمن الرحيم

• اليورو / ين على فريم الساعه ونموذج هارمونيك " كابوريا بيعى " يكتمل النموذج عند ممستوى 132.83
• ربما يشهد الزوج بعض التراجع لتكوين الكتف الايمن لنمط ايجابى محتمل وهو " الرأس والكتفين المركب" قبل ان يواصل صعوده لتكمله نموذج الهارمونيك
• تفشل احتمالات النماذج السابقه بالاغلاق تحت مستوى 131.68

WEIGHTED DOLLAR INDEX

بسم الله الرحمن الرحيم

• على الشارت اليومى مؤشر الدولار المرجح امام 26 عمله ، وهو يطلق عليه BROAD DOLLAR INDEX ويعتمد عليه الفيدرالى الامريكى فى قياس حركه الدولار بنظره موسعه امام مزيد من العملات ، عكس المؤشر العادى الذى يقيس تحرك الدولار امام 6 عملات رئيسيه فقط يؤثر فيه تحرك اليورو بشكل كبير حيث يبلغ وزنه النسبى فى مؤشر الدولار العادى حوالى 51% ، فى حين ان المؤشر المرجح تتغير اوزانه سنويا تبعا للعلاقات التجاريه السنويه بين امريكا والدوله صاحبه العمله فيه ، فعلى سبيل المثال يبلغ وزن اليورو فيه حاليا حوالى 17% فى حين ان اليوان الصينى يبلغ وزنه النسبى 21.8% والدولار المكسيكى 12% ثم الدولار الكندى 11% ويتضح من هذه النسب ان الاوزان الكبيره فى المؤشر تخص البلدان والمناطق التى تتميز بعلاقات تجاريه واسعه مع امريكا
• على الشارت هناك نموذج هارمونيك وهو الخفاش البديل الشرائى اكتمل عند مستوى 86 نقطه  وبدء الارتداد الصعودى ومن المتوقع ان يحقق هدف نموذج الهارمونيك الاول عند مستوى 90 نقطه ثم الهدف الثانى عند مستوى 92.5 نقطه وفى حاله تجاوز هذا المستوى فلدينا مستوى 93.35 نقطه ثم 94.25 نقطه ثم قمته السابقه التى تراجع منها عند مستوى 96.55
• خط الترند الهابط الخاص بنموذج الهارمونيك هو خط للمتاجره فهو يمثل مقاومه متغيره للسعر عند مستويات 91.5 نقطه متغيره هبوطا مع الزمن
• للمتعاملين مع الدولار يكون الخروج بالاغلاق تحت مستوى 86 نقطه 

EGX30

بسم الله الرحمن الرحيم

• مؤشر البورصه المصريه على الرسم البيانى اليومى ونموذج 2B SELL وهو نموذج بيعى ، حسب مكتشف النموذج فيكتور سبرانديو فمن المفترض ان يكون الخروج بعد اغلاق السعر تحت قاع شمعه الاختراق للقمه السابقه وهنا عند مستوى 13968 ، غالبا هذا النموذج مفيد للمضاربين ولمن يتاجر بالسيم داى ، ولكنه مفيد جدا فى الاحتفاظ بالارباح فى حاله ما كان النموذج كبير  والتصحيح عميق (القاع بين القمتين كبير)  وشخصيا كما قلت فى اكثر من مره اننى افضل انتظار اغلاق السعر تحت القاع بين القمتين فى النماذج التى تمتاز بقصر طولها كما هو الحال فى النموذج الحالى الا ان نماذج 2B فى بعض الاوقات لا تسطيع الاغلاق تحت القاع بين القمتين ، لذلك فالخروج باغلاق السعر تحت قاع شمعه الاختراق للقمه الاولى  هو الافضل فى حاله ما كانت هذه النماذج تمتاز بالطول
• اعتقد انه من الحاجات المفيده فى المتاجره واللى لازم الناس تتعلمها ، وهى ما ينفعش اخرج على دعم او على كسر خط التأكيد لاى نموذج ، وتحت اكتمال النموذج او تحت الدعم ده يكون موجود دعم قريب وقوى ، لان فى الحاله دى ممكن تتفاجأ ان السهم بيرتد صعودا وما قدرش يكمل هبوط ، وشخصيا دى طريقه شغلى لما كنت فى السوق بستعملها كفلتر سعرى اضافى على صحه كسر الدعم او النموذج ، وهنا مستوى 13800 ممكن ناس تشتغل عليه باعتبار كسره هو تحقيق لنموذج قمه مزدوجه غير متماثل مع تحفظى على انه يكون قمه مزدوجه نظرا للفتره الزمنيه بين القمتين ولكن اذا اعتبرناه قمه مزدوجه والسعر قفل جلتسين او اكتر تحت 13800 فى الحاله دى ما ينفعش اخرج وانا تحتى دعم قوى فى المديم ترم عند 13700، عشان كده فى التحليل السابق انا ربطت بين كسر منطقه 13700-13800 وكسر 78.5 فى التجارى الدولى ، كمان انت محتاج انك تعطى للدعم او لتحقيق النموذج مجال سعرى عشان تتاكد من صحه الكسر كفلتر سعرى بجانب الفلتر الزمنى ، وخلاصه الكلام انك لازم تعود نفسك على استخدام الفلتر الزمنى والسعر فى الحكم على صحه الكسر وتخلى بالك ان نسبه 1% فى المدى القصير كفلتر سعرى على صحه كسر الدعم او النماذج لو تحتها دعم قريب وقوى اصبر لما تشوف السعر هيعمل ايه مع الدعم ده واستخدمه كفلتر سعرى اضافى وبنسميه فنيا SUPPORT BREAK
• مستهدف النموذج ده ممكن يصل الى مستويات 13600 وكلمه السر هنا من وجهه نظرى الشخصيه هو مستوى 78.5 فى التجارى والبولباك عليها حاليا مهم جدا لان فشل التجارى الدولى فى تجاوز 78.5 بنسبه كبيره هيرجح الوصول الى المستويات المذكوره للمؤشر وربما اكثر من ذلك فىا لمدى القصير، خصوصا فى ظل وجود فيلور سوينج سلبى مكتمل على مؤشر RSI

BRENT CRUDE OIL

بسم الله الرحمن الرحيم

• خام برنت على الفريم الاسبوعى ونمط ايجابى وهو معكوس الرأس والكتفين المركب اكتمل بالاغلاق اعلى مستوى 53.35 لمستهدف قد يصل الى 85 جنيه
• كان هناك دايفرجنس كلاسيكى ايجابى هو السبب فى ارتفاع خام برنت من القاع الذى ارتد منه (رأس النموذج) حتى الان ولكن فى حال اذا لم يستطع البرنت تجاوز مستوى 67.55 صعودا فغالبا فى هذه الحاله سيكون عندنا دايفرجنس خفى سلبى ونتوقع معه الثروباك على خط عنق نموذج معكوس الرأس والكتفين عند مستويات 52.5 متغيره هبوطا مع الوقت

تصنيف الدول العربيه فى مؤشر بازل لمكافحه الارهاب وغسيل الاموال

بسم الله الرحمن الرحيم

• بمناسبه الهرى الكتير عن قطر وتمويلها للارهاب حبيت اوضح حقيقه مهمه من خلال مؤشر بازل وهو مؤشر مهم جدا بتعتمد عليه الامم المتحده وصندوق النقد الدولى ومجموعه الثمانى الصناعيه ومجموعه العشرين  فى تصنيف الدول المموله للارهاب ومكافحه غسيل الاموال ومدى التزام هذه الدول بالمعايير الماليه والقوانيين المتبعه فى مكافحه هذه الجرائم  ، والحقيقه المشاركه دى مش انتصار لامير قطر فأنا مؤمن تماما وفى اكتر من مره قلتها ان انظمه سايكس بيكو لا خير فيها فهى انظمه مسلطه على شعوبها لافقارها سياسيا واقتصاديا وثقافيا ، والمقارنه بين هذه الانظمه فى رأيى تدور ما بين السىء والاسوء ، لكن المشاركه دى لبيان ان موقف الدول الاربعه (مصر والامارات والسعوديه والبحرين)   المقاطعه لقطر بحجه تمويلها للارهاب هو اتهام يفتقر للصحه بشكل عام ولكنه لاسباب اخرى خاصه بترتيبات معينه للقضيه الفلطسنيه تحدثنا عنها سابقا ، فمن خلال هذا المؤشر سيتضح لنا ان ترتيب هذه الدول الاربعه متقدم عن ترتيب قطر فى تمويل الارهاب وغسيل الاموال ، فالمؤشر يجمع 146 دوله يتم تصنفيهم من الاعلى خطوره الى الاقل خطوره فى التزام البنوك المركزيه لهم بالمعايير الماليه والشفافيه و التزام الدول بسياده القانون والاجراءات المتبعه الصارمه لمكافحه غسيل الاموال وتمويل الارهاب 
• حسب هذا المؤشر واحدث اصدار له عن السنه المنتهيه فى عام 2016 فان الدول الاربعه تاتى فى تصنيف متقدم عن قطر فى تمويل الارهاب وغسيل الاموال اى انها دول ترتفع فيها مخاطر تمويل الارهاب وغسيل الاموال وانها دول بعيده عن تطبيق المعايير الماليه التى تحد من جرائم تمويل الارهاب وغسيل الاموال، فقد حصلت الامارات على المركز 72(االثانيه خليجيا فى تمويل الارهاب وغسيل الاموال والبعد عن تطبيق المعايير الماليه لمكافحه هذه الجرائم بعد اليمن)  ثم جاء بعدها البحرين فى المركز 81 ثم تلتها مصر فى المركز 87 ثم السعوديه فى المركز 93 واخيرا قطر فى المركز 107 واعتقد ان ترتيب قطر المتأخر فى هذا المؤشر ينفى عنها شبهه تمويل الارهاب وغسيل الاموال بشكل كبير فى حين ان الدول التى تتهمها بتمويل الارهاب حصلت على مراكز متقدمه فى هذا المؤشر وهو ما يعنى ان هذه الدول وابرزها السعوديه والامارات موضع شك كبير فى تمويل الارهاب وغسيل الاموال
• من الحاجات اللى لفتت نظرى وجود دول زى روسيا والصين وتركيا فى ترتيب متقدم جدا على هذا المؤشر وهو ما يضع علامات استفهام كثيره حول البنوك المركزيه لهذه الدول لعدم التزامها بالمعايير الماليه وايضا للدول نفسها بعدم وضع تشريعات قويه لمحاربه هذه الظواهر التى تهدد الامن والسلم العالمى والاغرب من هذا ان تاتى اسرائيل فى مرتبه متاخره جدا فى ترتيب هذا المؤشر رغم انها دوله ارهابيه من الطراز الفريد 

BTC vs USD

بسم الله الرحمن الرحيم

• فى المشاركه السابقه بتاريخ 7/10/2017 توقعنا ان يصل البتكوين الى مستويات 4700 اولا ثم 5200 ثانيا ، وشرحنا كيفيه الجمع فى المتاجره بين نماذج الهارمونيك والنماذج الكلاسيكيه وقد حقق البتكوين كل الاهداف وتجاوزها ليص الى مستويات 5860 حتى وقت كتابه هذه المشاركه
• على الشارت الاسبوعى هناك نموذج هارمونيك AB=CD البيعى يكتمل النموذج فى نطاق 6200-6220( التقاء AB=CD ونسبه 161.8% امتداد الضلع AB )
• الحقيقه ان هناك مصدر اخر للبيانات مختلف فى بيانات الاعلى والادنى لذلك اكتمال النمط حسب هذا المصدر ما بين 6115-6200

التجارى الدولى

بسم الله الرحمن الرحيم

• التجارى الدولى على فريم الساعه وقد اكتمل نمط الرأس والكتفين الذى اشرنا اليه فى مشاركه بتاريخ 11/9/2017 بالاغلاق تحت مستوى 81 واصبح الكسر حقيقى بالاغلاق تحت مستوى 78.5 كلفتر سعرى اضافى ، ليستهدف النموذج مستويات 71.5
• هناك تحليل موجى بسيط لتصحيح الموجه الحاليه للتجارى الدولى  ومن وجهه نظرنا ان الموجه هى دبل زجزاج DZ تكتمل الموجه Y فيها عند مستويات 74 كتصحيح شائع لها (Y=W)
• ربما اكثر المناطق ترجيحا كما هو واضح على الشارت منطقه 75-77 لوجود اكثر من مستهدف فى هذه المنطقه من مدارس مختلفه فلدينا نموذج هارمونيك AB=CD الشرائى يكتمل عند منطقه 75.25-77.25 ، وكذلك نسبه y=100%* W  فى الدبل زجزاج عند 76.30 ، واخيرا  طول الموجه بعد المثلث الاليوتى والذى يساوى اطول الموجات فيه ينتهى عند مستوى 76.5 
• اذا لم ينتهى تصحيح هذه الموجه عند مستويات 75-77 فالارجح ان التجارى الدولى سيصل الى 74 وهو دعم قوى فى المدى المتوسط واذا لم يستطع رد السهم فغالبا السهم يتجه الى منطقه 71-72 ( مستهدف الرأس والكتفين عند مستويات 71.5 ، ونسبه 161.8% من الموجه W كمستهدف ثانى لانتهاء الموجه الدبل زجزاج عند 72)
• ما زلنا ننبه الى اهميه كسر مستوى 78.5 وقد رجحنا سابقا فى مشاركه بتاريخ 20/8/2017 ان يتم كسر هذا المستوى بناء على اشارات الضعف الموجوده على مؤشرات السهم ومنها الفيلور سوينج على مؤشر RSI على الشارت الاسبوعى للسهم والذى اكتمل بكسر مستوى 59.5 على مؤشر RSI بتاريخ 25/6/2017  وبناء ايضا على كسر مستوى 13260 فى المؤشر فقد كان هذا الدعم  للسهم يقابل دعم 13260 على المؤشر ، وربما ما حدث فى االانفراج بين حركتى المؤشر والسهم كان غير طبيعى فى الفتره الاخيره فلم نعتد ان يرتفع المؤشر بدون التجارى الدولى رغم الارتباط النسبى القوى بينهما كما يوضح الشارت الثانى ، واعتقد من خلال الشارت الثانى ومقارنه التجارى الدولى بالقطاع الذى ينتمى اليه نرى ان التجارى الدولى ادائه اسوء من القطاع فى الفتره الاخيره بالرغم من ان مؤشر القوه النسبيه المقارن يقول ان الاداء متوزان بينهما (التحرك العرضى لمؤشر القوه النسبيه المقارن يقول ان التجارى الدولى يصعد بنفس نسبه صعود القطاع او يهبط بنفس النسبه ) ولكن عمليا التجارى الدولى هبط بنسبه 13.6% والقطاع هبط فقط بنسبه 9.8% وهو ما يرجح عندى - اذا استمر التجارى فى ادائه بهذا الشكل - ان نرى كسر لمنطقه 13700-13800 فى المؤشر ومن ثم الوصول الى منطقه 13500 على الاقل

من يخلف يلين فى قياده الفيدرالى الامريكى

بسم الله الرحمن الرحيم

لو سعادتك مهتم باخبار الاسواق الماليه العالميه ابقى احفظ الاسم ده كويس "كيفين ورش" ده المرشح المحتمل لقياده الفيدرالى الامريكى بعد جانيت يلين احتماليه فوزه تصل الى 41% وهو من الصقور المتشدده فى رفع الفائده بصوره كبيره وله تصريح خطير قال فيه ان السياسه النقديه طوال السنوات الماضيه كانت فى خدمه وول ستريت و من المؤشرات الاوليه لشخصيته ممكن تتوقع معاه انهيار الاسواق الامريكيه فى حاله تصميمه على اتباع هذا النهج ، ثم يأتى بعده جيروم باول بنسبه 27% وهو من الوسطيين ويؤمن برفع تدريجى لسعر الفائده وهو نفس اسلوب جانيت يلين التى تاتى فى المرتبه الاخيره بنسبه 18%

يعمل ايه التعليم فى وطن ضايع

بسم الله الرحمن الرحيم

فى مكان شغلى فيه مدرسه ابتدائى قريبه منه وماشاء الله الميكرفون بتاعها الاطرش يسمعه النهادره لاقيت ناظر المدرسه فى البريك ماسك الميكروفن وبيخطب خطبه عصماء عن عظمه مصر فى التاهل لكأس العالم وبعدها قلبت بزغاريد فى الميكروفون وتحيا مصر ولا كأنه فرح ام عباس 😁 الغريبه انه من 3 ايام كان فيه ذكرى 6 اكتوبر كان اولى بيه انه يطلع يتكلم فيها عن عظمه مصر الحقيقيه ويتكلم عن الشهداء الابرار من الجيش اللى ضحوا بارواحهم عشان كرامه هذا الوطن ويزرع فى عقل وووجدان الاطفال دى يعنى ايه عظمه مصر الحقيقيه وان ازاى تتحول من الاندحار والانكسار الى الانتصار فى فتره زمنيه لا تتجاوز 6 سنوات وبامكانيات قليله الناس ممكن ما تاخدش بالها من اهميه الوعى فى السن الصغير للاطفال سواء فى المدرسه او البيت مع انه ده السن اللى بتزرع فيه كل شىء سواء ايجابى او سلبى واللى بعد كده الانسان لما بيكبر بيستدعى مخزون المعلومات دى والوعى اللى اتربى عليه لاكمال مسيره حياته. جميل جدا انك تتكلم عن عظمه مصر بس مش لدرجه اننا نزرع فى وجدان النشىء الصغير ده ان عظمه مصر محصوره فى الوصول لكاس العالم مع انه الطبيعى ان مصر فى ظل امكانياتها البشريه ووضعها التاريخى يكون موضوع الوصول لكاس العالم القاعده مش الاستثناء ، وان عظمه مصر مش بس فى هز الوسط والفن والمسوخ البشريه من الفنانين والمطربين ، مصر اعظم واكبر من كده بكتير جدا ويكفى ذكر القرأن الكريم لمصر فى اكتر من موضع والقرأن لا يذكر الا كل عظيم . اربط كده النقطه دى بنظام التعليم فى اليابان وشوف الفرق انهم ازاى بيزرعوا مفاهيم ايجابيه فى عقول الاطفال عندهم واحنا هنا بنزرع فيهم مفاهيم سلبيه وتافهه تخيلوا مثلا ان لعبه زى لعبه الكراسى المشهوره ، الاطفال هناك فى الحضانه بيلعبوها بمفهوم جديد وهو ان الفريق الكسبان هو اللى مش هيفضل منهم واحد واقف ، فالاطفال بتحتضن بعضها وبتضحى من جزء من عدم راحتها فى القعده عشان يديقوا المسافات وبالتالى عدد الكراسى الناقص عن عددهم يستوعبوهم كلهم (مفهوم الجماعيه ) فى حين اننا فى مصر بنلعب اللعبه دى بمفهوم الفرديه يعنى عشان تكسب لازم تلحق انت الكرسى والفكره المسيطره هنا الفرديه والانانيه عشان كده تلاقى النفسنه بين الناس فى مصر كتير وانه مافيش فى مصر حاجه اسمها روح الفريق والجماعه لازم فى الاخر العمل ينسب لفرد مش للمجموع ، وفى المرحله الابتدائى فى اليابان بيعلموهم ماده اسمها الاخلاق هدفها انك ازاى تتعامل مع المجتمع وتتواصل معاهم باحترام عشان كده تلاحظ ان الشعب اليابانى من اكتر شعوب العالم تأدبا بالاضافه الى ان الطلبه حتى السنه الثالثه فى التعليم الابتدائى لا يتم تدريس مواد لهم عشان يمتحنوا فيها ولكن بيتم غرس قيم ومبادىء معينه فى السن ده وملخصها تهدف الى كمال المجتمع اليابانى ، عشان كده اليابان تستحق يتقال عليها كوكب اليابان ونصيحه لاى بيت مصرى عنده اطفال صغيره انك تكون حريص على غرس القيم الدينيه والاخلاقيه والمفاهيم الايجابيه فيهم لان ده الاساس اللى هتقوم عليه الشخصيه بعد كده وده اللى هيكون بمثابه المناعه لهم ضد امراض المجتمع . لو حضرتك عايز تنيمه حقيقيه وتقدم لازم التعليم يكون رقم 1 واتنين وتلاته واربعه فى سلم الاولويات وان الاستثمار فى البشر هو احسن استثمار حقيقى واسئلوا مهاتير محمد والنمور الاسيويه فى بناء نضتها الحديثه و اسئلوا اليابان نفسها بعد الحرب العالميه التانيه عن التعليم الحقيقى حتى كان بيتم تعليم الطلبه فى العراء بعد تدمير اليابان وبنيتها الاساسيه فى الحرب لكن على رأى بحر العلم وترعه المفهوميه. "يعمل ايه التعليم فى وطن ضايع" 🤣

EUR vs USD

بسم الله الرحمن الرحيم

• اليورو /دولار على فريم 4 ساعات ونمط سلبى وهو الرأس والكتفين ، اكتمل النمط بالاغلاق تحت مستوى 1.18455 مستهدفا مستوى 1.1590
• كسر مستوى 1.1662 يرجح الوصول الى مستهدف الرأس والكتفين ، على ان الارتداد من هذا الدعم ربما يرسم الكتف الايمن لنموذج رأس وكتفين اكبر (COMPLEX HEAD AND SHOULDERS)
• الارتداد صعودا ربما يستهدف اليورو مستويات 1.178797 ثم 1.17835

EGX30 ELLIOTT WAVE COUNT UPDATE

بسم الله الرحمن الرحيم

• المؤشر الثلاثينى على الشارت اليومى وتحليل موجى للوقوف على اخر المستجدات التى طرأت على المؤشر 
• لدينا سيناريوهين :- الاول وهو الاساسى بان يكون المؤشر منذ بدايه 2016 فى موجه اولى INTERMEDIATE من الثالثه PRIMARY  من الثالثه CYCLE ، وحاليا يبنى فى الموجه الثالثه MINOR من الاولى NTERMEDIATE
•  تحديدا نحن فى الموجه الخامسه MINUETTE من الخامسه MINUTE من الثالثه MINOR ، والموجه الخامسه MINETTE ربما تكون انتهت عند مستويات 14100 ولترجيح صحه هذا الاحتمال لابد من كسر 78.5 فى التجارى الدولى اولا ثم كسر مستوى 12900 للمؤشر ثانيا ، لكن غالبا تستهدف هذه الموجه مستويات 14500-14600 نظريا وربما اكثر من ذلك
• السيناريو البديل وهو سيناريو غير مرجح عندى حاليا وهو ان يكون المؤشر فى الموجه الخامسه MINETTE من الخامسه MINUTE من الخامسه MINOR وبالتالى نكون على وشك انتهاء الترند الصاعد وبدايه تصحيح عنيف ، لكن ربما هذا السيناريو حاليا يأتى فى مرتبه ثانيه لسببين اولهما ان الانهيارات الكبيره تحتاج الى وجود دايفرجنس كبير وكلما كان الدايفرجنس ممتد زمنيا ومكون من دايفرجنس داخلى بين نقاطه كلما كان الانهيار عنيف وحاليا بالرغم من وجود دايفرجنس من شهر نوفمبر الماضى ومتوافر فيه بعض الشروط لكن فى رأيى الشخصى يحتاج المؤشر الى فتره زمنيه اكبر لحدوث تصحيح متوسط المدى يستغرق ربما شهور ، والسبب الثانى ان دوره جغلر ومدتها 9 سنوات والبادئه منذ قاع الازمه العالميه عام 2009 ستنتهى مع بدايه عام 2018 وبالتالى كل الاسواق العالميه ستدخل فى تصحيح قوى ومنها المؤشر المصرى بالتبعيه(لاحظ انه فى بعض الاحيان تنحرف القمم او القيعان فى الدورات الزمنيه تبعا لمبدء انحراف القمم والقيعان فى الدورات الزمنيه ، فتجد تأخر فى تكوين القمه او اسراع فيها ونفس الحال بالنسبه للقيعان لذلك من الوراد ان تمتد  قمه هذه الدوره الى منتصف 2018 او الى الربع الثالث فيها ولا يمنع كذلك ان تنتهى هذه الدوره قبل نهايه العام الحالى وان كانت هذا الترجيح اقل من وجهه نظرى ) 
• لاحظ ان المؤشر على الشارت الاسبوعى لديه حاله اعتبرها فريده من نوعها فهناك دايفرجنس سلبى ربما يكون انتهى اثره بالتصحيح الى مستويات 12900 و قد ادى الى تكوين دايفرجنس خفى ايجابى (POSITIVE REVESAL) نلاحظ اثره فى الصعود الحالى وربما وجود هذا الدايفرجنس الايجابى مع الارتداد من دعم خط 50 ارجح معه ان ما زال هناك صعود فى المدى المتوسط

BITCOIN

بسم الله الرحمن الرحيم

• البتكوين على الفريم اليومى ونموذج هارمونيك غالبا ما سيكون "خفاش بيعى " يكتمل عند مستوى 4710 دولار (مقاومه قويه لالتقاء نسبه تصحيح 88.6% للضلع XA مع نسبه 200% من امتداد الضلع BC ) ويرجح هذه الاحتمال حاليا اختراق  اخر قمه تراجع منها البتكوين عند 4553 
• للمتاجره على هذا النموذج كان الدخول بالاغلاق اعلى مستوى 4119 وحتى اكتمال النموذج عند مستويات 4700
• خط الترند الصاعد المار بنقطتى A,C هو  يمثل خط البيع عند تراجع الاسعار سواء لنموذج الهارمونيك او كلاسيكيا لنمط القاع المزدوج المشوه (UNEVEN OR UGLY DOUBLE BOTTO) ولكن ما يعيب هذا الخط هو درجه انحداره الى اعلى بزاويه حاده ومن رأيى ان المضارب - فى حاله تراجع الاسعار حاليا -  ينتظر كسر قاع 4173 كفلتر سعرى اضافى على صحه كسر خط الترند وينفى هذا الاحتمال حاليا اختراق قمه 4553
• كلاسيكيا مستهدف هذا النمط يصل الى مستويات 5200 وبالتالى اذا تحقق هذا الهدف فيعنى ذلك ان نموذج الهارمونيك قد فشل وبالتالى من الممكن الجمع بين النموذجين فى المتاجره كما تحدثنا سابقا فى مثل هذه  المواقف بأن يكون الهدف الاول عند 4700 ومعه جنى جزء من الارباح والانتظار ماذا سيفعل البتكوين فى هذه الحاله فاذا اكمل صعود فيتم جنى باقى الارباح عند مستويات 5200 ، اما اذا قرر البتكوين الهبوط عند مستويات 4700 او قبلها فالاستعانه هنا بخط الترند الصاعد مع تصحيحيات الفيبوناتشى للضلع AD عند نسبه 38.2% فلابد يكون للمستثمر تدخل سواء بالخروج الكلى او بجزء من محفظته فغالبا نسبه 38.2% سوف تكون الهدف الاول لنموذج الهارمونيك ثم نسبه 61.8% كهدف ثانى له وفى حاله تجاوز هذه النسبه فالاهداف التاليه على متواليه الفيبوناتشى ستكون عند 78.6% ثم 88.6% وهكذا
• لاحظ ان العملات المشفره مثل البتكوين والايثريوم كأشهر العملات المشفره تتميز بالتلقبات الحاده وليس لها ضمان من البنوك المركزيه لذلك هى عملات لها مخاطر عاليه اشهرها الشركات المحتاله والقرصنه على مواقع الشركات لتى تتعامل مع هذه لعملات واخيرا التذبذبات الحاده صعودا وهبوطا لذلك تحتاج  هذه العملات الى مستثمرين من نوعيه خاصه للتعامل معاها والبحث عن شركات تتميز بالامان والمصداقيه فى التعامل حتى لا يقع البعض ضحيه لشركات محتاله

استراتيجيه بسيطه للتداول فى الاسواق الماليه

بسم الله الرحمن الرحييم

• كلامنا النهارده على استراتيجيه بسيطه للتداول يقدر اى حد مبتدء فى التحليل الفنى ينفذها بسهوله وانا شايف انها استرتيجيه رغم بساطتها الا انها تنفع اى مستوى فى التحليل الفنى 
• ببساطه الاستراتيجيه اسمها شراء التراجعات فى الترند الصاعد وبيع الارتدادات فى الاتجاه الهابط ، الاستراتيجيه دى اتكلم عنها جى ويلس ويلدر فى عام 1978 فى كتابه مفاهيم جديده فى انظمه التداول المتخصصه وبعد كده طور الاستراتيجيه دى اندرو كاردويل بانه ربط  الاستراتيجيه دى بمستويات معينه على مؤشر RSI ، والعبد لله اضاف بعض الاضافات التى ربما تكون مساعده بشكل ما فى تطوير هذه الاستراتيجيه

شرح الاستراتيجيه

• فى الاتجاه الصاعد لابد من حدوث تصحيحات ثانويه سواء كانت قصيره الاجل او متوسطه الاجل ، ببساطه كده تقدر انك تشترى فى الترجعات دى  وطول ما الاسعار بتصعد تقدر انك تضيف لمركزك الشرائى عند اى تراجع ، السؤال الاهم هنا امتى اعرف اشترى وازاى اعرف ان التراجع انتهى و نفس السؤال فى الاتجاه الهابط امتى اعرف ان الارتداد لاعلى انتهى وبالتالى اقدر ابيع ؟!

ده اللى طوره اندرو كاردونيل بانه قال عاده التراجعات دى تقدر ترصدها على مؤشر RSI بالوصول الى مستويات 40-50 على المؤشر بحيث انك تشتغل على الدعم الاقل عند خط 40 وقت الشراء فى الترند الصاعد ، وفى الترند الهابط انك تستغل البيع فى الارتدادت التصحيحيه لاعلى ورصد الكلام ده على مؤشر RSI بوصوله الى منطقه 50-60 بحيث انك تبيع عند المقاومه الاقل عند خط 50 ، وبكده تقدر انك تعيد الشراء فى كل مره عند المستويات المذكوره  فى الاتجاه الصاعد وكذلك انك تبيع فى الاتجاه الهابط  عند المستويات المذكوره ايضا والكلام ده موضوع على الشارت بالدوائر ، طبعا مش عايز اذكر الناس ان الكلام ده مش قرأن لازم يحصل بس هى وسيله بسيطه للتداول وانا شخصيا اضفت حاجتين من عندى مش هعتبرهم تطوير للاستراتيجيه دى لكنها اضافات ممكن تساعد اكتر فى تحديد صحه قرارات الشراء او البيع

• انا اشتغلت على حوالى 25 شارت وده للتنويه ممكن ما يكونش عدد كافى للحكم لكن ممكن نعتبره مؤشر على احتماليه الوصول الى نتائج صحيحه بنسبه لا تقل عن 70% 
• انا اضفت الى الاستراتيجيه دى تصحيحات الفيبوناتشى ومن خلال الملاحظه والتجربه لاقيت عشان نوصل للمستويات اللى ذكرها اندرو كاردويل غالبا لازم التراجعات دى تصل الى نسبه 50% من تصحيحات الفيبوناتشى فى الاتجاه الصاعد ، وكذلك فى الارتدات لاعلى فى الاتجاه الهابط وربما تصل الى نسبه 61.8% فى بعض الحالات القليله يعنى تقدر تقول ان نسبه 50% هى العامل المشترك فى الاتجاهين والاكتر ترجيحا للوصول اليه ، والاضافه التانيه هى الشموع اليابانيه ، وبالتالى حضرتك انت وشغال بالاستراتيجيه دى ، اول ما يحصل تراجع فى الاتجاه الصاعد تشد فيبوناتشى عادى من اخر قاع ارتدادى الى قمه الموجه وتنتظر التراجع ده يخلص عند غالبا نسبه 50% مع ملاحظه مناطق 40-50 على مؤشر RSI وبعدها تدور على الشموع الارتداديه من  نوعيه المطرقه مثلا  او الابتلاع الايجابى او الهرامى وشخصيا بفضل الشموع الثنائيه فى الحاله دى سواء الهرامى او الابتلاع الايجابى او قاع تويزر او غيرها ، ونفس الموضوع فى الاتجاه الهابط  ، تقدر تشد فيبوناتشى عادى من قمه اخر موجه الى قاع الموجه الحاليه وتنتظر نسبه 50% فيبوناتشى وتراقب مستويات 50-60 على مؤشر RSI مع مراقبه نوعيه الشموع المتكون الانعكاسيه سواء كانت الرجل المشنوق او الابتلاع السلبى او الهرامى البيعى وخلافه وتقدر طبعا تشتغل بالاستراتيجيه دى بالادوات البسيطه على RSI زى ما طورها اندرو او تضيف الحاجات اللى  انا اضفتها حسب استيعابك للموضوع ، وكما تقدر تفيدك الاستراتيجيه دى فى الاستغناء عن الشورت سيلنج فى الاتجاه الهابط وتتحرى الحلال ، وتقدر تحقق مكاسب كويسه لو قدرت تلتزم بوقف خسائر معقول وقدرت تنفذ الاستراتيجيه دى 
• وجهه نظرى الشخصيه انك لازم عند نسبه 38.2% فيبوناتشى يكون لك تدخل معين سواء ببيع جزء من المحفظه فى الارتداد لاعلى اثناء الترند الهابط  او شراء بجزء من محفظتك ولو نسبه بسيطه عند التراجعات اثناء الترند الصاعد
• ان شاء الله ربنا ييسر الامور لكل مستثمر تجارته حلال فى الاسهم  ويتوب على اى مستثمر دخل الحرام فى فلوسه  ويهدى القائمين على البلاد والقائمين على البورصه المصريه لما فيسه مصلحه العباد والمستثمرين

DOW JONES

بسم الله الرحمن الرحيم

• الداو جونز على الشارت الاسبوعى وما زالت الاسواق الامريكيه تحقق قمم جديده وصلت الى مستويات 22650 حتى كتابه هذه المشاركه
• الداو فى الموجه الخامسه INTERMEDIATE(اللون الاحمر) منذ قاع 2009 وحاليا هو فى الموجه الثالثه iii على فريم SUBMINUTTE وغالبا هذه الموجه تستهدف مستويات 22850 
• لهواه التحليل الموجى عموما  وبتفصيل اكثر للفريمات الزمنيه فنحن فى الثالثه iii على فريم SUBMINUTTE  من الخامسه (V) اللون الاخضر على فريم MINUETTE  من الخامسه V بداخل الدائره باللون البنى الداكن على فريم MINUTE من الثالثه (اللون الازرق الفاتح) على فريم MINOR وربما لا نستبعد ان تصل هذه الموجه -الثالثه MINOR - الى حدود 24000 نقطه نظريا وغالبا فى هذه الحاله سنجد ان الموجه الخامسه الفرعيه منها (على فريم MIUTE اللون البنى الداكن) ممتده ايضا اذا سارت التوقعات كما هى بنمو ارباح الشركات الامريكيه فى الربع الرابع الى 12.4 % بعد ان حققت فى الربع الثالث 7.5% بالاضافه الى هدوء التوترات الجيوسياسيه واقرار نظام الاصلاح الضريبى الجديد للحزب الجمهورى
• لدينا مؤشر FEAR AND GREED وهو من مؤشرات  SENTIMENTAL INDICTORS  التى تقيس الحاله العاطفيه والنفسيه للمستثمرين وهو من المؤشرات الموثوق بها لدى كثير من المحللين الامريكان ويقوم هذا المؤشر على قياس الخوف والطمع لدى المستثمرين فكلما كانت قراءه المؤشر تشير الى الشراء (GREED) كلما ارتفعت الاسواق الامريكيه والعكس صحيح ،  وهنا نجد ان المؤشر وصل الى قراءه قصوى عند مستوى 92 متخطيا قمته السابقه فى الاسبوع الماضى عند 89 وهو ما يعنى ان هناك تفائل لدى المستثمرين انعكس فى حاله الوصول الى التشبع الشرائى رصده بالفعل  مؤشر RSI لذلك ربما نتوقع قريبا حدوث جنى ارباح فى الداو عند مستويات 22800 -23000 لتكمله الموجه الرابعه iv على فريم SUBMINUTE قد تصل به فى هذه الحاله نظريا الى مستويات 22300-22500

الازدواجيه الغربيه

بسم الله الرحمن الرحيم
ممكن تشوف الازدواجيه الغربيه فى مشهدين لا يفصلهما الا بضعه ايام 
المشهد الاول : انفصال كردستان من حوالى 10 ايام ومر مرور الكرام دون حدوث ما يعكر صفو الاستفتاء وسيلاقى ترحاب من العالم كله وعلى راسه امريكا التى تظهر عكس ما تبطن وعلى العكس منه نجد ان انفصال اقليم كتالونيا عن اسبانيا صاحبه اجراءات تعسفيه  ادت الى اصابه المئات من الكتالونيين وغض الطرف عن هذه الاعمال والغرب كله يقف ضد هذا الانفصال لانه يعرف عواقبه تماما ويخاف من انتقال العدوى الى باقى الدول الغربيه ، لكن ما يحرمونه على انفسهم يحلونه للعرب وللمسلمين 
المشهد الثانى : عن الارهابى الامريكى وحادث لاس فيجاس والذى راح ضحيته اكتر من 50 مواطن وجرح ما لايقل عن 200 اخرين ، فقد مر الحدث دون ضجه اعلاميه كبيره ودون اتهام  الرجل بالارهاب بالرغم من انه ارتكب مجزره وقد تم توصيف الحدث على انه مرض نفسى يعانيه الرجل  المسن لوجوده وحيدا ، تخيلوا لو ان مسلم قام بهذه الفعله ماذا كان سيحدث من حكومات الغرب  ودور الميديا الغربيه فى هذه الحاله للترويج لمزيد من الاسلاموفوبيا !
امريكا والغرب ازاحوا ورقه التوت التى كانت تستر عوراتهم سابقا واصبح اللعب على المكشوف ضد الاسلام ورغم ذلك ما زال هناك طبقه من المغبين الذين يرون كل سوء فى الاسلام  وكل جميل فى الغرب ، وما اثار دهشتى فى هذا المشهد العبثى خروج العملاء الجدد وهم داعش  فى محاوله مفضوحه منهم لتبنى هذه الهجمه بالرغم من ان الشرطه الامريكيه نفسها نفت واستبعدت ان يكون للرجل صله من الاساس بداعش

FTSE100

بسم الله الرحمن الرحيم

• الفوتسى على الشارت الاسبوعى ، ونموذج هارمونيك THE 5-0  الشرائى دخل المؤشر منطقه الانعاكس للضلع BC والمقدره بنطاق 7110-7730 وربما من خلال هذه المنطقه نجد تراجع للمؤشر قد يصل الى منطقه 6300-6600 ليكتمل النموذج فى هذه المنطقه ، على ان اى تجاوز اعلى مستوى 7730 خلال تكوين الضلع BC يعتبر النموذج لاغى وكذلك فى حاله اذا تجاوزت الاسعار هبوطا مستوى 6300
• فى حال تجاوزت الاسعار مستوى 7730 (مرجح)  ينقلب النموذج الى نموذج كابوريا بيعى يكتمل فى نطاق 8100-8130
• ربما يرجح الاحتمال السابق ان المؤشرات العزم للفوتسى  عليها دايفرجنس جفى ايجابى يرجح معه الصعود ، كما ان القوه البيعيه يبدو عليها الضعف وذلك على مؤشر الهيستوجرام للماكد

كم من وراين بافيت فى العالم العربى !

بسم الله الرحمن الرحيم

كم من وراين بافيت فى العالم العربى !

كان فيه معلومه نسيت اقولها فى الحديث عن النظام الضريبى الامريكى وهى ان فيه ضريبه اسمها ضريبه بافيت 

وارين بافيت اشتكى من ان ضريبه الدخل اللى بيدفعها تعتبر نسبتها اقل ممقارنه  بمستوى دخل الطبقه المتوسطه واعتبر ان النظام الضريبى الامريكى فيه ثغره بتجعل الاثرياء يدفعون ضرائب اقل بينما يزيد العبىء الضريبى على الطبقه المتوسطه عشان كده الامريكان  اخدوا اقتراحه على مأخذ الجد  ودعا اوباما فى 2011 الى تطبيق الضريبه دى على الافراد اللى بيزيد دخلهم عن المليون دولار سنويا 

يا ترى كم واحد من ملياردرات العرب ممكن يعمل حاجه زى دى !

تفتكتر مثلا ال ساويرس فى مصر ولا ابو العنين ولا منصور ولا العبار فى الامارات ولا الوليد بن طلال فى السعوديه ! 😁

بمناسبه الحديث عن وارين بافيت الراجل فطاره لا يتعدى 3.75 دولار وما غيرش مسكنه من عام 1985 رغم انه بيمتلك ثروه تتجاوز 78 مليار دولار

على العكس منه بيل جيتس اللى قرئت عن القصر اللى بيعيش فيه يعتبر وهم بمعنى الكلمه

فيكفى انك تعرف ان فى القصر ده فيه بحيره مخصوص لنوع معين من اسماك السلمون اللى بيحبها بيل جيتس ولها اجواء معينه بتتربى فيه ، كمان سعادتك القصر ده بيطل على شاطىء رماله بيتم استيرادها من كوستاريكا مخصوص وبتتغير كل سنه ، سعادتك انت وداخل القصر بيتعلق دبوس صغير فى ملابسك بيحلل شخصيتك وبالتالى نظام الاضاءه بيرمج نفسه  على شخصيتك من حيث قوه الاضاءه او ضعفها  ولون الاضاءه المناسبه لشخصيتك 🤣

مش كده وبس كمان ارضيات القصر بتتغير اتوماتيك تبعا لنوعيه جلد الحذاء بتاعك لاعطاء مزيد من التوازن للشخص والارضيات دى لها استخدام اخر فى نظام السيكورتى اذا تم اختراقه بتعمل زى تثبيت للشخص فى مكانه بحيث انه مايعرفش يتحرك من مكانه 😁

ايشى خيال يا ناس

النظام الضريبى الامريكى

بسم الله الرحمن الرحيم

تذكرت وانا بقرء عن الاصلاحات الضريبيه اللى عايز يعملها ترامب ، ايام الدراسه فى الجامعه لما كنا بندرس فى المحاسبه الضريبيه عن النظام الضريبى الامريكى واد ايه هو نظام ضريبى معقد واد ايه يعتبر دبح بمعنى الكلمه للممول الامريكى لانه بيتم فرضه على 3 مستويات :- اولها المستوى المركزى ثم مستوى الولايه واخيرا مستوى البلديه والمستوى الاول (الفيدرالى ) يهتم عاده بالضرائب المباشره على ادخل اما الولايه فتهتم اكثر بالضرائب غير المباشره على الانفاق(ضريبه المبيعات) اما البلديات فتهتم بالضرائب على رأس المال (ابرزها الضرائب العقاريه) ، وان اساس النظام الضريبى هو الدخل الفردى للاشخاص الطبيعين ومن بعده الشركات ، والغريب فى الامر ان الممول الامريكى هو اكثر الممولين التزاما بدفع الضرائب على مستوى العالم عكس الممول الفرنسى مثلا الاكثر تهربا منها على مستوى العالم ، الحقيقه كان الموضوع ده مثار اندهاش عندى وما زال حتى اللحظه 

اهم ما لفت نظرى فى التعديلات الجديده انهم عايزين يقللوا الحد الاعلى للشريحه الضريبيه ويخفضوا ضرائب الشركات من 35%(فى المتوسط) الى 20% وخفض شريحه الضرائب على الافراد من 39% الى 35% ورفع حد الاعفاء الضريبى للافلااد (تقريبا على حد معلوماتى حتى 2013 كان الاعفاء لكل شخص حوالى 3900 دولار)
الحقيقه انا مش عايز اخوض فى تفاصيل النظام الضريبى الامريكى لكن احب انوه الى ان صرامه النظام الامريكى يقابله تحقيق عداله ضريبيه واجتماعيه كبيره ، صحيح ان مافيش نظام  وضعى يرقى الى منزله الزكاه فى الاسلام مثلا لكن الانظمه الوضعيه بتحاول بقدر المستطاع التوازن بيت الكفاءه الاقتصاديه والعداله الاجتماعيه
انا حبيت اتكلم عن النظام الضريبى الامريكى واهم حاجه فيه التخفضيات الممنوحه للشركات لتحقيق ازدهار سواء للشركات ومن ثم تحقيق معدلات نمو اقتصاديه مرتفعه او تخفيف العبء عن كاهل الافراد لزياده الانفاق الاستهلاكى الفردى والعائلى  اللى له دور كبير فى الاقتصاديات المتقدمه ومقارنته مع المسخ الصريبى اللى موجود عندنا
وان مفهوم الضريبه وفلسفتها عند الناس دى مختلف تماما عننا ، فبرغم ان الافراد الطبيعين هم الاساس فى النظام الضريبى الامريكى ( حوالى 82% من الضرائب المركزيه ناتجه عن الضرائب على الاشخاص الطبيعين) الا ان الدخل النقدى السنوى للفرد الامريكى والدخل الحقيقى له فى زياده مطرده وده الاساس ، وربما ان كثير من الرؤساء الامريكين مقتنعين بما يعرف بمنحنى لافر(ارتفاع الضرائب يعمل على خفض نسبه العمل والعكس صحيح) وكان على رأس هؤلاء من الرؤساء الامريكين رونالد ريجان واصلاحاته الضريبيه فى عام 1986 لذلك دائما وابدا لازم الحديث عن التخفضيات الضريبيه بيكون جزء اساسى فى برنامج اى رئيس اثناء انتخابه ، لكن الحال عندنا مختلف تماما
فالوظيفه الاساسيه للضريبه المساهمه فى تحقيق نمو اقتصادى مقبول مع تحقيق عداله اجتماعيه للشعوب (اعاده توزيع الدخل والثروه) ، وللاسف ده مش موجود عندنا وان كل الانظمه اللى مرت على مصر كان تفكيرها الاول التفتيش فى جيوب المصريين اولا دون مراعاه حقيقيه للدخل والثروه لافراد الشعب المصرى ودون النظر الى ان الدخل النقدى والحقيقى فى تناقص مستمر نتيجه لارتفاع التضخم ، ودون تحقيق عداله اجتماعيه او حتى كفائه اقتصاديه وبدلا من اصلاح النظام الضريبى ومحاربه التهرب منه يتم فرض ضرائب جديده على المواطنين ، فغالبا المحصله الضريبيه كماهو معروف تتراوح ما بين 20% -25% من الناتج المحلى اى بما يعادل فى مصر حوالى 700-800 مليار جنيه نجد ان حصيله الضرائب لا تتجاوز 400 مليار جنيه نتيجه التشوه فى النظام الضريبى المصرى والتهرب الضريبى العلنى لكبار الاغنياء وعلى سبيل الذكر فعائله ساويرس وتحديدا احدهم عليه حكم نهائى لعدم سداد القسط الثانى من التصالح الضريبى الذى تم فى عهد محمد مرسى ورغم ذلك يعيش حرا طليقا
ان تحقيق الضرائب التصاعديه على كل فئه هو نظام معمول به فى الاقتصاديات المتقدمه وعلى رأسها امريكا فلابد ان تتناسب الضريبه مع الدخل النقدى للافراد او للشركات ، فالضريبه الموحده يتحمل عبئها اكثر اصحاب الدخول المتدنيه من الافراد او الشركات واعتقد ان الكل يتذكر حكومه تاتشر التى سقطت بعد 11 عاما من حكم انجلترا نتيجه لتطبيق ضريبه الرأس ( poll tax) والتى كانت ضريبه موحده دفعت حكومه تاتشر ثمنها فى انتخابات 1991
وللاسف ان من ينتقدون مدرسه العرض (تخفيض الضرائب بشكل كبير) ويزعمون انها تحمل الحكومات نفقات كثيره وربما الاستدانه نرد عليهم بان سياسه الميزانيه هى السبب الاكبر فى تحمل الحكومات لنفقات كبيره واهمها النفقات التى تصرف على  الدفاع  وعلى اجمالى الانفاق الحكومى ولنرجع الى عهد كلينتون كأول رئيس ديمقراطى جمع الميزه بين خفض الضرائب وتخفيض الانفاق الحكومى كهدف رئيسى فى برنامجه الانتخابى واستفاد جدا من برنامج بوش الاب وقبله ريجان فى مسأله تخفيض الضرائب واكمل كلينتون الجزء الثانى من المعادله بخفض الانفاق الحكومى الاجمالى ورأينا امريكا تحقق فائض فى ميزانيتها لاول مره منذ سبعينيات القرن الماضى
فى العامين الماضيين اتخذت اليابان والصين خطوات جريئه فى تخفيض الضرائب لانعاش الاقتصاد المتباطىء وزياده الانفاق الاستهلاكى كحل للخروج من شبح ازمه الركود ، اى ان هذه الدول تعالج الاعراض التى تصيب اقتصادياتها بيساسات توسعيه  لتخفيف العبء عن كاهل الشركات والافراد ، اما نحن فنزيد من هذه الاعباء فى ظل تضخم مرتفع وفى ظل دخول متدنيه وبعد ذلك نريد اصلاح اقتصادى حقيقى ، وهى اكذوبه دأب عليها النظام العسكرى فى مصر منذ 1952 ، فاقصى ما يمكن فعله نتيجه لهذه السياسات هى تحسن وقتى فى بعض القطاعات ما يلبث ان يرتد اسوء مما كان  ، فالكائنات التى تدير مصر سياسيا واقتصاديا هى كائنات خرافيه من الزمن القديم انتهت صلاحياتها منذ قرون