زى ما تكلمت بالامس عن الدورات الزمنيه بشكل بسيط واهم مبادىء الدورات
الزمنيه اللى نقدر نطبقها على جميع الاسواق ، وزى ما اتكلمنا عن حاجه اسمها
POSITIVE CORRELATION بين الاسواق ، وعلاقات الاسواق ببعضها INTERMARKET
REALTIONSHIP ، احب اضيف معلومه وهى ان الارتباط الايجابى بين الاسواق ده
زى ما تشارلز داو اتكلم عنه وسماه بالقانون العمومى ، هو راجع لمبدء اسمه
الشيوع او القواسم المشتركه بين الدورات الزمنيه لجميع الاسواق عبر التاريخ
COMMONAILTY (THESE PRINCIPLES ARE APPLICABLE TO CYCLES IN ALL (MARKETS
ACCROSS THE ENTIRE PRICE HISTORY تبعا لمنهج هيرست فى الدورات الزمنيه
الحقيقه ان الشارتين القادميين بيوضحوا بصوره لا تقبل الجدل علاقه الداو
بباقى اشهر الاسواق الاوربيه زى الفوتسى االانجليزى والداكس الالمانى
والكاك الفرنسى ومعاهم مؤشر البورصه المصريه ونشوف ازاى التوافق والارتباط
الزمنى بين هذه الاسواق ، ولو ربطنا الكلام ده بالعد الموجى هنلاقى ان
تقريبا تفصيل العد الموجى خصوصا من قاع 2009 يكاد يكون واحد ، وهنا يا ريت
نلاحظ اد ايه الاسواق الاوربيه بالذات - لو كان الاسعار كامله على الشارت - كنا شوفنا
مدى الارتباط من سنوات سابقه ، لكن لو ركزنا بدايه من عام 2000 هنلاقى ان
القمم والقيعان خصوصا القمم والقيعان المحوريه حصلت فى نفس التوقيت تقريبا
او بينهم فروق بسيطه ، ودخل معاهم EGX30 منذ تدشينه فى عام 98 ووصل الحال
انه فى نفس اليوم بيتم تكوين القاع او القمه بين مؤشر البورصه المصريه
والداو ، والاختلاف كان فى بعض الاوقات زى الهبوط اللى حصل عام 2006
للبورصه المصريه ، ومع بدايه الازمه العالميه واللى كان الفرق بين تكوين
القمم وقتها 6 شهور بعد ما الداو كون قمته شهر اكتوبر 2007 وتبعه مؤشر
مصر فى تكوين قمته شهر ابريل عام 2008 ، وحصل اختلاف كمان فى عام 2011 كان
لا يتجاوز 3 شهور فى تكوين القمم او القيعان وده راجع زى ما قلت لمبد ء
الاختلاف VARIATION او انحراف القمم والقيعان والانحرافات دى ربما بترجع
لاسباب خارجه زى قيام ثوره يناير عندنا فى 2011 والبعض بيتكلم ان ملهاش
تفسير علمى حقيقى ، وبالتالى بعد اللى اتقال ده اعتقد انه لا معنى لاى كلام ملهوش اساس علمى يتكلم عن انفصال مؤشرنا عن الداو او باقى الاسواق العالميه ، مع ملاحظه ان العولمه وتطور التنكولوجى خلى الاثار الايجابيه او السلبيه تأثيرها بيكون اسرع
من 2009 زى ما قلت فىه دوره زمنيه
مدتها 9 سنوات اسمها دوره جغلر بتجمع الاسواق العالميه بما فيهم مؤشرنا ،
وقاع 2009 هو اللى ضغط زمن الدوره البادئه من عام 2002 وواضح قيعان
السيكلز على مؤشر RSI ، ودوره جغلر زى ما وضحت قبل كده بتنقسم الى دوره
كيتشن مده كل واحده منهما 4.5 سنين يعنى 54 شهر ، هنلاحظ ان مؤشر البورصه
المصريه كانت واضحه عليه الدوره دى جدا فى تكوين السوق الصاعد بدايه من قاع
24/6/2013 وحتى الان بزمن يقدر بحوالى 52 شهر( من قاع فبراير 2009 وحتى
يونيو 2013) وبالتالى من قاع 24/6/2013 بدءت دوره زمنيه جديده لكيتشن
مقدارها 54 شهر ، يعنى نظريا تنتهى الدوره دى فى 30/12/2017 وزى ما قلنا ان
فيه حاجه اسمها TIME WINDOW بتقدر بحوالى 10% من الدوره الزمنيه لتكوين
قاع نسبى او قمه نسبيه بعيدا عن القياس النظرى و ممكن تنتهى الدوره دى خلال
5 شهور ونص من ميعادها النظرى عند 30/12/2017 يعنى عندنا مدى زمنى ما بين
30/12/2017- منتصف يونيو2018 تقريبا والبعض الاخر بيعطى فرصه اكبر قد تمتد
لسنه كامله سواء تتمدد فيها الدوره الزمنيه او تنكمش ، عشان كده انا فى
تحليل المؤشر بموجات اليوت بتاريخ 18/12/2017 ربطت موجات اليوت بالدورات
الزمنيه وقلت ان الموجه الرابعه PRIMARY اما انها تكون انتهت عند قاع
الازمه العالميه عند 3380 او تكون انتهت عند قاع 24/6/2013 عند كموجه مركبه
فلاته ومثلث ورجحنا السيناريو انها تكون انتهت عند 30/6/2013 وخلينا
السيناريو البديل انها انتهت عند قاع الازمه العالميه
