اعتقد اننا اتكلمنا قبل كده عن الارتداده اللى موجوده فى المؤشرات سواء للداو او لمؤشر EGX30 والى حد كبير هذه الارتداده مؤقته فى المؤشرات الى ان يثبت العكس ، و اعتقد اننا حددنا الارتداده دى الى مستويات 15200-15300
حسب التحليل الحالى فمؤشر البورصه انتهى من الموجه A عند قاع 14468 وايضا انتهى من الموجه B عند مستويات 15160 واصطدم بمقاومته عند هذا الحد ، واللى فى اعتقادى عطلت صعود المؤشر لاستهداف مستويات 15200-15300 ، وبالتالى ترجيحى ان المؤشر هيبدء موجه هابطه يؤكدها كسر مستوى 14468
الموجه C فى تصحيح الزجزاج الشائع عنها ان A=C يعنى تصحيحها يصل الى 14000-14150 نقطه تقريبا
الشارت رقم 2 عندنا نموذج هارمونيك اسمه القرش SHARK ، النموذج ده نموذج بولش بيكتمل عند 14390 ، وممكن انه يتطور الى نموذج THE 5-0 البيعى ، يعنى يكمل الترند الهابط ، وعشان النموذج ده يكون صحيح ، لابد ان السعر يصل الى 14390 والا يكون النموذج غير صحيح ولا يتجاوز 14050 والا النموذج ايضا يكون لاغى وبالتالى منطقه 14050-14390 بتسمى PRZ (منطقه الانعكاس المحتمل ) اللى منها النموذج بيرتد صعودا بنسبه 50% من طول الضلع BC وبكده يكتمل النموذج البيعى ، وبعدها يرجع السعر يهبط مره اخرى ، والمنطقه المحدده دى هى اهم منطقه للنموذج لانها هى المحدد الاساسى لصحه النموذج ، ربما لو حاولنا نربط المدرستين مع بعض نقدر نستتج انه لو حصل كسر لقاع 14468 فغالبا اليوتيا هتكون مستهدفات الموجه C هى منطقه 14050-14390 ، لكن كل الكلام ده مرتبط بكسر قاع 14468 ، يعنى بدون كسره يبقى غالبا المؤشر هيكون مثلث والسعر هيمشى بشكل عرضى مؤقت ومن المفترض برضوا السعر يواصل الهبوط
نموذج الهارمونيك ده كلاسيكا بنسميه 2B SELL بيكون مفيد فى المتاجره السريعه والخروج لمضارب السوينج ، خصوصا وان القاع بين القمتين بعيد الى حد ما عن اعلى قمه وهنا ممكن الخروج بالاغلاق تحت قاع شمعه اختراق القمه الاولى عند مستوى 15000 نقطه او ممكن ترحل الخروج بالاغلاق تحت القاع بين القمتين عند 14650 او تقسم الخروج عند المستويات المذكوره كل واحد حسب استراتيجيته فى تحمل الخساره
الناس تخلى بالها من مستويات 71-72 فى التجارى لانه فيه نمط رأس وكتفين هيتأكد بكسر المنطقه دى وهنتكلم عنه فى مشاركه خاصه بالتجارى الدولى
ترجيحى ان الاسواق العالميه Iتدخل فى موجه هابطه خلال هذا الاسبوع خصوصا , وربما اقصى ما يستيطع الداو الوصول اليه 26300 نقطه ، وفى اعتقادى الى حد كبير الداو كمان خلص الموجه B من الزجزاج وهيبدء الموجه الهابطه C ومش هيغير نظرتى دى غير تحقيق قمم جديده ، فما زالت الاسواق حتى الان يسودها التوتر
