مؤشر البورصه المصريه على فريم الساعه ، ونموذج هارمونيك شرائى وهو الكابوريا وبالرغم من النموذج لم يكتمل عند نسبه 161.8% XA وقد اختبر فقط عنصرين من ثلاث عناصر فى منطقه الانعكاس وهما ALTERNATE 1.618 AB=CD وان الضلع CD=3.618 BC للنموذج ورغم ذلك حصلنا على اشاره انعكاس مؤكده بتكوين شمعه التاكورى الايجابيه مع كسر مؤشر RSI خط 30 والعود لاختراقه مره اخرى (RSI BAMM) واعتقد ان هذه العلامه كانت كافيه للدخول والمتاجره مع نموذج الهارمونيك وتحقيق هدف مبدئى عند نسبه 38.2% من اقصى نقطه فى النموذج عند A عند مستوى 15472 الى ادنى نقطه فيه عند D عند 14850 وهنا للمتاجر على السوينج اما الاكتفاء بما تحقق او المواصله مع ترحيل وقف الخساره تحت 14850 مباشره ثم انتظار تحقيق الهدف الثانى للنموذج عند مستوى 61.8% AD عند مستويات 15090 ، ومن بعد تجاوز السعر لهذه النسبه تحسب الاهداف على متواليه الفيبوناتشى بنسبها المعروفه مثل نسبه 78.6% عند مستوى 15250 ثم نسبه 88.6% عند مستوى 15370 ثم منطقه AC عند مستوى 15400-15470 ثم نسبه 127% عند مستوى 15750 ونسبه 161.8% عند مستوى16100 وهكذا
نماذج الهارمونيك فى رأيى الشخصى توفر فرص للمتاجره على كل الفريمات وتناسب كافه المتداولين فى البورصات سواء المتاجر على المدى القصير او المتوسط او الطويل ، وتجمع بين المتاجره على اللونج والشورت معا ، فهنا كان يمكن الخروج للمستثمر فى السوق المصرى بالاغلاق تحت منطقه 15150-15075 وهى نفس المنطقه للبائع شورت ، والدخول مره اخرى لونج بعد اكتمال نموذج الهارمونيك بعد اختراق السعر لقمه شمعه التاكورى عند مستويات 14585
لمن فاته كل ما سبق توفر نماذج الهارمونيك فرصه اخرى بعد ان اخترق السعر كلستر المقاومات المكون من خط الترند الهابط لنموذج الهارمونيك المار بالنقطتين AC مع نسبه 62% فيبوناتشى ما بين 15090-15180 ونظريا اختراق هذه المنطقه ، هى فرصه اخرى للشراء والمتاجره مع نموذج الهارمونيك ولكنها فرصه قد تكون محفوفه ببعض المخاطر ، ولنفترض مثال على شخصى انا فى مثل هذه الحاله لو انا فى السوق فعليا وعايز ادخل شراء يا ترى ادخل ولا لاء ؟ بالتأكيد كنت هدخل شراء وانا هنا مش هحكم ايه اللى حصل للسعر بعد كده لكن لو انا متاجر مجازف شويه هدخل عادى على اشارات سليمه من نموذج الهارمونيك ولكن الاهم وده اللى بيفرق ناس عن بعضها خطواتك التاليه وتفاعلك مع مستجدات الامور هتكون ازاى ! انا كمحلل ممكن البسك فى الحيط حاليا واقولك نص الحقيقه وهى الدخول شراء واسكت ، لكن البرايس اكشن بعد الدخول يفرض عليا حاجات تانيه ، وهى برغم ان الدخول كان صحيح الا ان علامات ضعف العزم وضحت هنا وتقدر تلاحظ الضعف ده من سلوك المؤشر على الترند الفرعى رقم 2 للهارمونيك ، فالبرغم من ان الترند ده زاويته حاده شويه لكنه مناسب جدا للبرايس اكشن وفيه علامات قوه مميزه زى عدد الملامسات وان تذبذب السعر حوالين الترند ده خلى الترند يتبادل الادوار ما بين دعمه للسعر فى معظم الفترات وانتقاله لمقاومه السعر عند مستوى 15300 نقطه ، مش كده وبس احنا هنلاقى على مؤشر RSI بدايه تكوين فيلور سوينج سلبى وغالبا ظهور الفيلور سوينج بيعنى اشاره مبكره على انعكاس الترند فى المدى القصير المنظور بما ان الفريم هو فريم الساعه وهيتأكد الفيلور سوينج بكسر مستوى 63على RSI اللى يقابل مستوى 15250 على المؤشر ، وبعد كسر السعر للترند والبولباك الاخير عليه ، اتكون عندنا قمه اقل من قمه ودى علامه ضعف تانيه وبالتالى بعد دخولى لازم افكر كويس حاليا فى انى اكون مستعد لو المؤشر انعكس وبدء فى الهبوط انا هخرج فين ، يا ترى اخرج بكسر 15250 ولا استنى كسر منطقه الدعوم عند 15075-15180 ولا استنى الترند رقم 3 واشوف السعر هيعمل ايه معاه ! الحقيقه الثلاث مستويات يصلحوا للخروج وكل واحد وتقديره لمستويات وقف الخساره حسب محفظته
احنا اتكلمنا قبل كده اليوتيا وقلنا ان الصعود الحالى هو صعود مؤقت لاستئناف الهبوط مره اخرى وده على مستوى الاسواق العالميه مش بس للمؤشر المصرى وبالنسبالى مستويات 14000 نقطه لو هبط المؤشر او حتى 120000 نقطه مش هتكون مفاجاه بالنسبالى ، ومش هيغير رأيى فى كده غير لما اشوف المؤشر بيحقق قمه جديده ، وقد يبدو هناك تعارض بين نماذج الهارمونيك واليوت ، ولكن فى حقيقه الامر ان الاتنين بيسيروا فى اتجاه واحد ، ولو افترضنا ان المؤشر حقق قمه جديده فقد يكون ذلك تغيير فى شكل الموجه التصحيحيه فقط (اذا كانت الصعود ثلاثى الحركه وليس خماسى) واذا حدث العكس فقد حقق نموذج الهارمونيك اهم هدفين من اهداف نماذج الهارمونيك عند نسبتى 38.2% وعند 61.8% وهما تقريبا الاهداف التى تعتنى بها نماذج الهارمونيك فى الاساس ، وكل ما حدث هو فقط تعامل مع الواقع بحساب ونظام مرن يتعامل مع طبيعه المستثمر المجازف فى الدخول بعد اختراق منطقه المقاومات للمؤشر عند نطاق 15075-15180 ومستوى 15180 متغير مع الزمن هبوطا فقد تضيق هذه المنطقه الى 15075-15160
بالرغم من ان هذه المشاركه تبدو طويله وثقيله فى فهمها عند البعض الا انها من وجهه نظرى هى مفيده لبيان كيفيه المتاجره على نماذج الهارمونيك وفى ظل ظروف يسود فيها عدم اليقين ، واعتقد فى مثل هذه الظروف من وجهه نظرى الشخصيه تستدعى اما ان يكون المتداول خارج السوق بجزء كبير من محفظته او متداول مخاطر يمشى على الحبال ويعرف تماما ماذا يريد ، باختصار يكون تاجر شاطر
