بسم الله الرحمن الرحيم
سبحان الله لما تعرف ان دول زى
روسيا من حوالى عشر سنين وهى بتقدم حوافز ماليه ونقديه للاسره اللى بتنجب طفل تانى
وتالت وان الاسره اللى بتنجب اكتر من 6 افراد بيستحق الزوج فيها وسام يطلق عليه
وسام المجد بيتم تسلمه من بوتين شخصيا وبيتكرم فى الكرملين 😁😁
الدنمارك بتلجأ الى حملات دعائيه
لتشجيع الازواج على ممارسه العلاقه الحميميه بغرض الانجاب فى الاجازات ودايما
الشعارات المستخدمه فى الحملات هى شعارات وطنيه "افعلها من اجل الدنمارك" 😁
فى كوبا عملوا دراسه وجدوا ان على
سنه 2025 تعداد كوبا هينقص بمقدار مليون شخص وفكروا فى انهم يعملوا حاجه اسمها
فنادق الحب لممارسه الجنس بين الرجال والسيدات بغرض الانجاب طبعا حاجه زى دى لا
يقرها الاسلام شكلا ولا موضوعا الحمدلله
المانيا وفرنسا منذ عقدين او ثلاثه
تقريبا تعداد سكانهم لا يزيد بالقدر الكافى وكان هناك خوف ورعب من الالمان لانقراض
الجنس الجرمانى فى ظل زياده اعداد كبار السن عن الشباب وما يستتبعه من نقص ايدى
عامله وزياده الاعباء للرعايه الصحيه لكبار السن عشان كده لجأت الحكومه الالمانيه
الى تقديم الحوافز الماليه بسخاء لدفع الالمان على زياده الانجاب والتوسع فى
استقبال المهاجرين 😁😁
البرتغال شايفه نفسها انها مقصره
جدا فى تقديم نفسها للمهاجرين وعندها استعداد لاستقبال المهاجرين للحفاظ على تعداد
الدوله اللى احصائيا لاقوا نفسهم على عام 2060 عددهم هيقل بنسبه 20%😁😁
ما تستغربش سيادتك لما تعرف ان
الدول المتقدمه شغلها الشاغل هو الموضوع ده وان ازاى يحافظوا على تعدادهم وينمو
اعداد سكانهم عشان يستفيدوا من الايدى العامله ده غير البعد الدينى فى الموضوع
اللى هو مش مجالنا حاليا ، حتى فى بلاد منهم بقيت بتسمح بالهجره لبلادهم بشروط
معينه عشان يستفيدوا منهم كايدى عامله وفى تخصصات البلاد دى محتاجينها
واحنا عندنا بنحارب زياده السكان
وبقى شغلنا الشاغل هو تدويل قضيه السكان وبقيت هى الشماعه بتاعتنا لكل اخفاق
العساكر من عام 1952 مع انها نعمه غيرنا بيتمناها خصوصا ان عندنا حوالى 60% من
السكان هما شباب وتقدر حضرتك تتوقع ليه بقى اتجدد الكلام عن حبوب منع الحمل وليه
التكيل بالمصريين اقتصاديا لاجبارهم على خفض المواليد اجباريا ، وده طبعا مع استبعاد
الجانب الدينى فى الموضوع واعتقد الشاهد على كلامى ده اللى عملته اسرائيل قبل كده
مع الفلسطنيين تقريبا عن موضوع استخدام نوع معين من الاخشاب المصنع منها ديسكات
الطلبه اللى بيحتوى على مواد بتسبب العقم للرجال والسيدات ، واعتقد انه فى فتره
انتشر موضوع الكلام عن حفضات النساء فى مصر اللى بتسبب عقم للسيدات ، الحرب لها
اكتر من اتجاه وعلى اكتر من محور، وبدل ما نوقف فى وش الناس دى للاسف احنا بنساعدهم على ترويج اكاذيب
عمرها ما كانت حقيقيه لان دوله زى الصين اللى عدد سكانها تلت سكان الارض تقريبا هو
الاقتصاد التانى على العالم وتجربتهم ما عداهش عليها 40 سنه وفى اخر 25 سنه الصين
بتحقق معدل نمو فى المتوسط يبلغ 9% والهند اكبر تانى تعداد سكان على مستوى العالم
كل التقارير الاقتصاديه الصادره خلال العام السابق واللى قبله بتقول انها هتكون
الدوله الاكتر نموا فى ال8 سنوات القادمه بمعدل نمو 7.5% ومش عايزين ننسى قطاع زى
تكنولوجيا المعلومات لوحده بيدر دخل اد ايه على الهند اللى قال بيل جيتس عنها قبل
كده انها مستقبل صناعه الكمبيوتر فى العالم
خلاصه الكلام اللى عايز يشتغل بجد
ويحقق نمو وازدهار اقتصادى ما يتكلمش فى الفارغه لان اللى بتشكى منه هو فى حد ذاته
سلاح للتقدم ، والقوه السكانيه هى الاساس فى التنميه المستدامه ، لكن منين اجيبلكوا
وما عنديش اديك ، ده كله كلام فاضى لان ببساطه كده مجموع اللى بيتصرف على الاهل
والعشيره من الجيش والشرطه والقضاء والمحاسيب وتكلفه الفساد كل ده يعيش الشعب المصرى فى نعيم ويعمله مستقبل اقتصادى فى خلال 10 سنوات ممكن الدنيا كلها تحكى عنه
مصر زى ما اتذكرت فى القران "خزائن الارض" لكن محتاجه واحد زى سيدنا يوسف "حفيظ عليم " لكن للاسف ربنا ابتلى مصر منذ الفراعنه الى الان بشياطين الانس اللى استغلوا سرقه الشعب المصرى مره باسم الاله ومره باسم شعارات مزيفه زى الخلاص من الاحتلال الخارجى وبقينا بنعانى من الاحتلال الخارجى فى ابشع صوره على ايدى مندوبيه من اكتر من 65 سنه
فمتى تتحرر مصر ؟!
