بسم الله الرحمن الرحيم
- المؤشر الثلاثينى على الرسم اليومى وكنت عاوز اتكلم عن شمعه الارتداد وهى المشار اليها بالسهم وهى شمعه الهامر ، ومن المحلاظات اللى حضرتك تقد تاخد بالك منها ان فى الموجه الاخيره الصاعده للمؤشر اعتمد فى ارتداده على شمعه الهامر باشكال مختلفه (الشمعه الاولى شبيهه الهامر) لكن من وجهه نظرى ان الشمعه الاخيره هى اضعفههم فنيا فحجم الشمعه صغير وذيل الشمعه يبدو قصير بالنسبه لجسمها ، ودايما كل ما كان ذيل الشمعه طويل (ضعف طول جسم الشمعه على الاقل) والفوليوم كبير كان ده دليل اقوى على وجود القوى الشرائيه بشكل واضح وفى ادبيات اليابانين بتسمى " اختبار عمق النهر" لانها دايما بتحقق قاع جديد ، وفى تحليل الفوليوم من اكتر الشموع استخداما فى ضرب الاستوبات وكذلك من اكتر الشموع استخداما فيما يعرف باختبار القوه الشرائيه SHAKEOUT ، وقياسا على الشمعتين السابقتين ممكن نتوقع انه يحصل ارتداد لكن ما زلت بقول ان من المحتمل ان الارتداد ده ما يكونش بنفس قوه الارتدادات السابقه ، وان المؤشر عنده عقبات كتير هيقابلها اولها متوسط 50 يوم اللى اصطدم بيه فى جلسه اليوم وبدء يتراجع منه وهنوضح فى مشاركه قادمه باذن الله ان فيه ترند صاعد مكسور بيمثل مقاومه وفيه ومقاومات افقيه محتاجه فوليوم كبير ومحتاجه " مزاج اجتماعى ايجابى بين اوساط المتداولين" لدفع المؤشر لاعلى
- تحقق FAILURE SWING بكسر مستوى 13670 واولى خطوات الايجابيه للمؤشر معاوده اعتلاء متوسط 50 يوم عند مستوى 13450 ثم منطقه 13520-13550 (مقاومه الترند الصاعد قصير الاجل ودعم افقى عند 13550 RESISTANCE CLUSTER)
