النقد يطال نظريه منحنى فيلبس

بسم الله الرحمن الرحيم

كنت اتكلمت قبل كده فى مشاركه بتاريخ 28/1/2017 بعنوان "نظريات التحليل الفنى بين النظريه والتطبيق" ان من بعد ازمه 2008 احنا محتاجين لمراجعه النظريات القديمه فى الاقتصاد والتحليل الفنى ، لان اللى بيحصل فى الاسواق الماليه والاقتصاد بشكل عام فى السنوات الاخيره اصبح عكس اللى درسناه  عن الاقتصاد  وكمان الاسواق الماليه ، اللى بيحصل فى امريكا على سبيل المثال ومش عايز اقول مصر كمان اثبت فشل نظريه منحنى فيلبس وهى نظريه مشهوره تربط العلاقه بين التضخم والبطاله بعلاقه عكسيه واصبح فيه نقد يطال هذه النظريه والقول بانها انتهت تماما لان رغم انخفاض البطاله فى الاقتصاد الامريكى الى ادنى مستوياته من 16 سنه عند 4.3% ورغم كده التضخم ما ارتفعش 

واتهام علنى لدراسه صادره حديثه من مجلس الفيدرالى فى فلادلفيا بان نظريه منحنى فيلبس اللى كانت احد الركائز اللى بتستند اليها البنوك المركزيه غير مفيده فى الاستناد اليها خلال المرحله الحاليه للاقنتصاد الامريكى

ده رابط  تقدر ترجع للموضوع باستفاضه
منحنى فيلبس .... الاقتصاد العالمى يعلن انتهاء نظريه قديمه