الحقيقه ان الشارت ده عجبنى على المستوى الشخصى وهو للمؤشر الثلاثينى على فريم زمنى صغير 30 دقيقه ، وشوفت فيه اد ايه ان التحليل الفنى علم ممكن يدعوا للتأمل ، ويمكن استخدامه كمقياس لاختلاف رؤيه الاشخاص لنفس الشىء
لوافترضنا ان اتنين على قدر كبير من المعرفه بالتحليل الفنى ، والاتنين فاهمين ان الانماط الانعكاسيه ممكن تيجى فى عكس اتجاها وبيكون لها وظيفه تانيه غير وظيفتها الاساسيه زى ما وضحنا فى اكتر من مره ، يعنى مش ناس شغاله على قديمه وهتقول ان الرأس والكتفين لازم يجى قبله ترند صاعد عشان يعكسه والكلام اللى بقى موضه قديمه فى التحليل الفنى
هنا ممكن واحد منهم هيشوف الشكل ده رأس وكتفين مكتمل بالاغلاق تحت 13407 وهيرجح استمرار الترند الهابط وكسر قاع 13350 اللى ارتد منه المؤشر موخرا ، وان المؤشر حاليا فى مرحله البولباك على النموذج ، والشخص التانى ممكن يشوف ان الشكل ده هو قاع مزدوج فى طور التكوين يكتمل بالاغلاق اعلى 13468 وما بين النمطين - وربما الامنيات - تكمن سيكلوجيه الافراد ومزاجهم الاجتماعى ان كان ايجابيا او سلبيا لترجيح احد النمطين عن الاخر ولنا فى مره اخرى حديث عن النظريه الجديده التى تتحدث عن دور المزاج الاجتماعى للافراد وعلاقته بالاقتصاد واسواق المال
