بسم الله الرحمن الرحيم
بالنسبه للناس المهتمه بالتحليل الفنى والاسواق الماليه
من الملاحظات المهمه اللى لازم الناس تاخد بالها منها ان السوق هو انعكاس لقرارات المتداولين وليس العكس وبالتالى انت لازم تعرف قيمه القرار اللى بتاخده فى السوق ورد فعله على السوق يعنى من الاخر مش تهون من قرارك وتقول انا قرارى هيعمل ايه فى السوق ، بالتأكيد ان قرار كل متداول له انعكاس على السوق وبما ان استجابات الناس مختلفه وسيكلوجيه الافراد تتأثر بعوامل مختلفه زى الضغط النفسى والذهنى الواقع على المتداول اثناء اتخاذ القرار واللى اصبحت هناك اكاديميات تهتم بدراسه سيكلوجى المتداولين اثناء اتخاذهم لقرارتهم الاقتصاديه والماليه، ومجموع القرارت دى هو اللى بيحرك الاسواق الماليه فى اتجاه معين ، وبالتالى فى احيان كثيره تجد ان توقعات الاهداف المستقبليه غير صحيحه وده مش عيب فى المحللين اللى منهم هامات وقامات كبيره فى التحليل الفنى زى ويليام جان ونيلسون اليوت وغيرهم فشلت توقعاتهم وحتى تشارلز داو ابو التحليل الفنى لم تعطى نظريته فى احسن احوالها اكثر من 68% فى التوقع الصحيح للاسواق الامريكيه ولكن هناك استجابات المتداولين اللى دفعت السوق فى الاتجاه المعاكس هى السبب بالاضافه الى قانون التوزيع العشوائى لتوقع النتائج المستقبليه ومن خلاله عرفنا اننا مش هنحصل على نتائج مستقبليه بنسبه 100% ، عشان كده الجانب السيكولجى اصبح مرتكز مهم فى التحليل الفنى سواء دراسته على مستوى الحشود او على المستوى الفردى ، والتحليل النفسى للفرد مهم جدا فى فهم طبيعه شخصيه المتداول وما يملكه من امكانات وبين متطلبات النجاح فى الاسواق الماليه فالفرق بينهما يصنع ما يسمى "بالفجوه النفسيه" فقد تكون محلل جيد وتمتلك قدر كبير من الذكاء ولك استراتيجيات تداول ولكنك لا تحقق ماهو مطلوب منك فى الاسواق الماليه ، فالتداول فى الاسواق معقد جدا ويحمل الكثير من المتناقضات، فلابد من الالم فى الاسواق الماليه والمرور بمواقف مختلفه فيها حتى تفهم اسرارها، وحتى تفهم اسرار هذه الاسواق لابد ان تكون شخص مختلف فى تفكيرك عن باقى الحشود فطريقه تفكير المتداول هى الاساس فى التفرقه بين المتداول الذى يحقق ارباحا باستمرار وبين المتداول المتعثر ، فالثقه فى النفس والانضباط الذاتى والقدره على الحكم على السوق بحياديه بعيدا عن المؤثرات المضلله واداره التوقعات وتقبل المخاطره هى سمات اساسيه فى شخصيه المتداول الناجح ، وتذكر دائما ان كل صفقه فى الاسواق الماليه هى صفقه فريده من نوعها وان الاسواق الماليه كل يوم تعطى مثات بل ملايين الفرص ..... ولكن للاشخاص المميزين
