النهارده فيه خبر على السهم بان الشركه قررت شراء 125 مليون سهم من اسهمها وهى نسبه تقريبا تساوى 2.7% من اجمالى اسهم الشركه وبشكل عام فان شراء الشركه لاسهم الخزينه يمثل ايجابيه للسهم من حيث ارتفاع سعر السهم السوقى نتيجه زياده ربحيه السهم او انخفاض المعروض من الاسهم المتداوله وطبعا الشركه بتلجأ لشراء جزء من اسهمها لاكتر من سبب ومش عايزين نخوض فى تفاصيل الاسباب من وراء الشراء لكن بيكون من اهم هذه الاسباب الاحتفاظ بهذه الاسهم وبيعها فى وقت لاحق لتحقيق سيوله او مكاسب معينه(لاحظ فى المعالجه المحاسبيه فى حاله ان بيع سهم الخزينه كان اكبر من تكلفه شرائه هنا بتزيد حقوق الملكيه بدون ما يترتب عليها اى ارباح قابله للتوزيع ولكن هذه الزياده تعتبر جزء من مكونات رأس المال المدفوع) او استخدامها فى التوزيعات المجانيه على المساهمين وفى بيان للشركه قالت فيه انها اشتريت الاسهم على سعر 43 قرش وهو ما يزيد بحوالى 23% عن اخر سعر اقفال له فى جلسه اليوم لقناعه الشركه بان تراجع سعر السهم غير مبرر والشركه مقتنعه بادائها الاقتصادى وقوه مركزها المالى واعتقد ان 43 قرش حاليا اصبح المستهدف القادم للسهم
طبعا زى ما بقول دايما ان اى قرار اقتصادى له ايجابيات وسلبيات ومن اهم سلبيات شراء اسهم الخزينه ان لوتم بيعها باقل من تلكفه شرائها بيتم التأثير هنا على حقوق المللكيه (حقوق الملكيه معانها المتبقى من اصول الشركه بعد سداد التزامتها وعاده فى شركات المساهمه بيشار اليها بالاسهم المملوكه للشركه) بالاضافه الى اعطاء اشارات خاطئه للسوق عن طريق خلق طلب غير حقيقى على السهم
خلينا نقول ان استقبال الناس للخبر غير مضمون على وجه التأكيد فى جلسه الغد وبالتالى نشتغل على الشارت عشان لو كان استقبال الناس للخبر عكس التوقعات نعرف ممكن السهم يروح فين
على الشارت الاسبوعى عندنا نموذج سلبى وهو الرأس والكتفين اكتمل بالاغلاق تحت مستوى 69 تقريبا لمستهدف يصل الى 28 قرش وفنيا كسر مستوى 56 قرش كان معناه فشل البولباك واعتقد ان حركه الهبوط تسارعت نسبيا بعد كسر هذا المستوى
النموذج ده يقابله على الهارمونيك نموذج خفاش كبير المفروض يكتمل عند مستوى 26 قرش وبالتالى منطقه 26-28 غالبا هى المنطقه المرشحه لوصول السهم اليها فى حاله تكمله الهبوط وان كنت شخصيا بشوف ان مع الرأس والكتفين لا نماذج اخرى تعلوا عليه والسهم حقق اكتر من 90% من مستهدف النموذج
