حديد عز على الشارت اليومى ونموذج رأس وكتفين مركب جاء فى نهايه ترند هابط واكتمل بالاغلاق تحت مستوى 7.80 لمستهدف ربما يصل الى 5.20 تقريبا مع ملاحظه ان هذا النموذج هو الكتف الايمن من نموذج رأس وكتفين اكبر لا مجال لتحقيق كامل مستهدف النموذج الكبير الا لو تداول السهم بالسالب
الحقيقه ان النموذج الحالى على الشارت موجود على اكتر من سهم خصوصا فى القياديات واحنا لسه مش عارفين ملامح القاع الجديد وان كان 5500 هو القاع الرئيسى ولا لسه المؤشر بيبحث عن قاع جديد عشان كده انا بقول من وجهه نظرى الشخصيه ان الشراء من اجل الاحتفاظ للمدى الطويل مش مضمون وان لازم استغل اى ارتداد لاعلى للمضارب وقصير و حتى متوسط الاجل للتعديل فى الاسعار والمتاجره مع الموجه وهيكون اخرقاع لك فى اى سهم هو نقطه وقف الخسائر-لان من المحتمل ان يكون الارتداد الحالى ماهو الا اعاده اختبارلخط العنق المكسور للنموذج ويتوقف نجاح البولباك هنا من عدمه على احداث 25 يناير وما بعدها وان كان الترجيح فنيا يعطى الامل فى الصعود ولو 1000 او ما يقاربها نظرا لوجود انفراج ايجابى على اكتر من مؤشر من المؤشرات السابقه لحركه مؤشر البورصه- وطبعا توافر سيوله فى محفظتك شىء اساسى وخلى شغل المارجن والسيم داى لما الظروف تتحسن وان كنت شخصيا لا انصح بالمارجن من الناحيه الشرعيه لان هناك فتاوى بتحريمه
المؤشر النهارده اصطدم بمقاومه 6130 تمثل 38% على تصحيحات الفيبوناتشى من الموجه الهابطه الاخيره وبدء التراجع قليلا لكن المهم انه يحافظ على مستوى 6000 نقطه حاليا لاستهداف مستوى 6300 فى المدى القصير ثم 6500 -اذا ما صارت الامور طبيعيه قبل 25 يناير- وان كان اداء كتير من الاسهم مش عاجبنى النهارده وارجو انه يكون اداء عارض ليس اكثر
