طبعا بعد الاحداث اللى حصلت الاسبوع الماضى وخساره اكتر من 1200 نقطه فى موجه بانيك لا احد يعرف السبب الحقيقى فيها غير ماهو متداول من اسباب زى انهيار اسعار النفط وازمه الاقتصاد الصيني اعتقد ان البانيك ده كان مفاجى لكتير من الناس-وانا منهم- لان عنف الهبوط لم نشاهده منذ سنوات
شخصيا انا مش من هواه اثاره فزع الناس لكن خلينا نقول ان بعد كسر اخر قاع عند 6300 ومن بعده مستوى 6000 ممكن تنقلب النظره الى سلبيه بالنسبه للمؤشر ولو حد اتكلم عن مستهدفات سلبيه بعيده يعتبر الامرعادى ومافيهوش مبالغه وانا بخص كمان مستوى 6000 بالاهميه لانه اتكسر عنده ترند صاعد طويل الاجل انا مش هتكلم حاليا عنه او عن غيره من نماذج سلبيه لها مستهدفات بعيده وهكتفى بالموجود حاليا على الشارت اليومى من نموذج هارمونيك بيعى اسمه THE5-0 موجود بداخل نموذج هارمونيك اكبر اسمه AB=CD شرائى اللى يهمنى فيه هو الضلع BC(باللون الازرق) اللى هو حركه السعر الحاليه واهميه الضلع ده انه بيعتبر عامل محدد فى صحه النموذج فمنطقه اكتمال الضلع ده مقدره 5460-5920 ومن المفترض ان ينعكس المؤشر صعودا خلال هذه المنطقه عشان يكمل الضلع الاخير للنموذج عند منطقه6300-6500 نقطه تقريبا قبل ان يعاود الهبوط مره اخرى وطبعا وصول المؤشر لمناطق تتجاوز مستوى 5460 هبوطا يعتبر النموذج لاغى
الحقيقه ان المؤشر عودنا خلال سنه كامله من الهبوط انه لما بيكسر اخر قاع ارتد منه صعودا بيدخل فى موجه هابطه يقدر طولها ما بين 1400-1700 نقطه تقريبا وحاليا نقدر نقول ان عندنا حركه سعريه مكتمله القدم الاولى لها هى الهبوط من 7700 الى 6300 ثم الارتداد صعودا من 6300الى 7100 ثم القدم الثانيه لها الهبوط من 7100 الى القاع المنتظر ودى اللى بنسميها كلاسيكا الحركه السعريه المتساويه او فى الهارمونيك بنسميها نموذج AB=CD وبالتالى فان مستوى 5700 هو المستوى المنتظر ان تنتهى عنده الحركه الهابطه للسعر وفى حاجه اسمها AB=CD البديل وبيكون فيه CD=1.27 OR 1.618 AB وده معناه ان جركه السعر المتوقعه للمؤشر فى هذه الحاله ممكن تصل الى 5300 او 4850 طبعا الكلام ده سابق لاوانه ومش لازم يحصل الا تحت ظروف معينه زى استمرار حركه البانيك اللى احنا فيها حاليا او ان 25 يناير القادم يحصل فيه قلق جامد لكن خلبنا نشوف الاول المؤشر هيعمل ايه عند 5700 ونشوف اداء الاسواق العالميه هذا الاسبوع ولو حصل كسر 5700 نراقب منطقه 5500-5600 القويه وكسر 5500-5600 وقتها هيفتح الباب للوصول الى مستويات 5300وربما بعدها حدود 5000 نقطه
لاحظ انه لا تناقض بين اللى قولته انى مش عاوز اتكلم عن مستهدفات بعيده وبين الاهداف اللى بقولها عند 5700 او 5300 او حدود 5000 فكسر الترند اللى نوهت عنه قبل كده فنيا ممكن يوصلنا لمستويات تجاوزناها منذ سنوات وخلينا ماشيين بالتحليل خطوه خطوه
