القناه للتوكيلات الملاحيه على الشارت اليومى ومن حوالى 3 جلسات تقريبا ابدى السهم تحسن ملحوظ فى ادائه هو والعربيه للشحن والتفريغ دون اسباب جوهريه وربما يكون السبب غير ملعوم لنا حتى الان ولا لاداره البورصه
عموما كون السهم ارتكز على نموذج قاع مزدوج حقق مستهدفه عند مستوى 6 جنيه وزى ما قلت قبل كده حاجتين الاولى ان الاسكالوبات فى كتير من الاحيان بتكون جزء من القاع المزدوج والتانيه ان القاع المزدوج لما بيكون عروه بيكتسب قوه فى الاداء نتيجه لاحتوائه غالبا على سكالوب او فى بعض الاحيان بيكون القاع المزدوج جزء من نموذج كوب وعروه
اكتمل الاسكالوب الصاعد اعلى مستوى 5.88 لمستهدف ربما يصل الى 6.95 تقريبا وكان مستوى 5.30 انسب النقاط للشراء
لاحظ كقاعده عامه فى الاسكالوب وهى لما يكون الاسكالوب عروه ويرتكز عليها بتكون دى افضل مناطق الشراء على الاقل لمتاجره قصيره حتى القمه التى تراجع منها (مستوى اكتمال النموذج) وفى حاله تراجع السهم وكان الاسكالوب يمتاز بالطول فالافضل جعل قاع العروه هو نفطه الخروج زى فى مثالنا الحالى 5.30 هى كانت انسب نقاط الشراء ولو كمل السهم نزول هتكون هى نقطه الخروج من السهم للمستثمر قصير الاجل
لاحظ ان السهم بيسير فى صعوده على شكل سكالوبات يعنى حاليا فى طريقه لاستكمال سكالوب صاعد تانى وبالتالى لما يرتكز على عروه ممكن انها تكون نقطع تانيه للشراء ولو افترضنا جدلا ان السهم لف وبدء صعود من النقطه الحاليه عند 5.83 وهى قاع الشمعه لليوم الحالى هيكون هو ده المستوى الانسب للشراء مره ثانيه وهنرحل مستوى ايقاف الخسائر الى 5.83 مع ملاحظه طبعا انه من المفترض عروه الاسكالوب تكون قبل بدايه تكوين النموذج لان تداخل عروه النموذج مع بدايته كما فى المثال الحالى بتضعف من اداء الاسكالوب عشان كده فى اوقات بتستبدل بدايه النموذج بقمه اقل ونبدء رسمه منها يعنى عندنا بدايه النموذج بتاعنا عند 5.38 وعروته عند 5.30 ممكن استبدل بدايه النموذج عند قمه 5.10 وابدء الرسم من عندها
اخر الملاحظات التعليميه فى الصوره الصغيره ممكن استعين بعد الاستعانه بالله طبعا بالترند الصاعد فى حاله تراجع السهم وفى حاله كسره ممكن اخرج قبل الوصول الى 5.30 فى الوقت الحالى وممكن لو كمل السهم تراجع مباشره استعمل 5.30 كفلتر على صحه كسر الترند ده لو انا من الناس اللى بتقعد تقول يمكن بكره يرتد وبالتالى كسرها يعنى خروج من السهم وانت مرتاح الضمير بعد ما عملت اللى عليك ولو مش عايز تخرج بكل الكميه دى حاجه ترجعالك وانا عارف ان فيه ناس بتصعب عليهم عشره الاسهم وفى منهم بيتعبروهم زى ولادهم يتربوا فى عزهم
