كنا اتكلمنا فى اخر تحليل للداو جونز بتاريخ 23/12/2015 عن نموذج قمه مزدوجه حقق مستهدفه عند مستوى 16445 تقريبا خلال هذا الاسبوع الماضى وعن خط الترند الاساسى واللى هو الحد الاسفل للقناه الصاعده الحاليه وعن مدى اهميه هذا الترند للداو جونز
الحقيقه اننا ممكن نلاحظ فرق الاداء قبل كسر هذا الترند وبعده وان كسر هذا الترند ادى الى تغير الاتجاه فى المدى المتوسط القريب وبكسره اصبح هناك ايضا مستهدف للقناه الصاعده عند مستوى 16200 تقريبا ومش عايزين ننسى اهميه الدعم ده لانه كان الدعم الاساسى فى المدى المتوسط البعيد وكسره هيكون بدايه مشكله للاسواق العالميه كلها والمشكله الاكبر لو تم كسر مستوى 15370
لاحظ انك لو بتشتغل على خط الترند بمفرده ممكن تعتبره نموذج بامب اند رن وده ممكن يوصل الداو لمستوى 15370 لكن دايما بقول ان انهيار الاسواق والبانبك محتاج احداث عالميه قويه والمؤشر اللى ممكن نستند اليه حاليا تقريبا هو سعر البترول وبرغم اندهاش البعض من اللى بقوله لانه من المفترض ان انخفاض اسعار البترول هو فى مصلحه الدول الغير منتجه للبترول زى امريكا وده بيوفر لهم فلوس فى فاتوره الواردات لكن اللى كتير من الناس ما تعرفهوش ان هناك معركه شرسه فى الخفاء بين البنوك الكبيره و كبار المقترضين والمضاربين فى اسواق البترول بالضغط عليهم لسداد قروضهم وفوائدها ومع انخفاض اسعار البترول يضطر هؤلاء المغامرين بالضغط اكثرعلى اسواق البترول واسواق المال لكى يستطيعوا تدبير سداد القروض وفوائدها وكانت هذه المشكله مثاره بشكل كبير فى شهر سبتمبر الماضى على ما اذكر وتستطيع بنظره بسيطه على شارت البترول ستجد ان معظم الانهيارات خلال عام 2015 كانت تبدء فى اواخر ارباع العام او فى بدايه ربع جديد وعلى سبيل المثال لا الحصر فقد كان اخر انهيار للبترول بدء يوم 9/10/2015 عندما وصل البترول الى 50 دولار ثم بدء الانهيار حتى الان الى ان وصل 32 دولار متجاوزا قاع 2008 عند مستوى 35 دولار وربما تشهدا الاسواق الماليه تحسن ملحوظ نسبيا خصوصا مع بدايه ارتداد اسعار البترول وبدايه تكوين شموع من الممكن ان نبنى عليها تفائل حذر يتأكد من خلال اداء هذا الاسبوع
