المؤشر على الشارت الاسبوعى وتعديل فى التحليل الموجى السابق فالموجه الثانيه سيكل( ترقيمها باللون الاصفر داخل المربع) تم تعديلها لتكون موجه مركبه BOUBLE THREE مكونه من موجتين احدهما فلات غير منتظم يرمز لها بالرمز W على فريم PRIMARY والاخرى موجه مثلثيه يرمز لها بالرمز Y على نفس الفريم والموجه الواصله بينهما يرمز لها بالرمز X وبالتالى اصبح انتهاء الموجه الثانيه عند مستوى 5150 بتاريخ 8/9/2013 ومن مميزات الموجه المثلثيه التى تاتى فى اماكن معينه مثل الموجه Y وهى اخر موجات فى الموجه المركبه انها يعقبها اندفاع سواء شرائى اذا كانت فى ترند هابط او بيعى لو كانت فى ترند صاعد وهو ما حدث بعد اختراق المثلث المتماثل
المؤشر بدء فى الموجه الثالثه سيكل وهو الفريم الذى يستغرق سنوات وتتكون من 5 موجات فرعيه انتهى المؤشر من الموجه الاولى الفرعيه الصاعده على فريم PRIMARY عند مستوى 10066 وحاليا يصحح الموجه الثانيه الهابطه وكان تصحيح هذه الموجه من النوع الحاد وشكل الموجه زجزاج تركيبها الداخلى 5-3-5 انتهى المؤشر منها من 3 موجات هابطه عند مستوى 5500 وحاليا فى الموجه الرابعه الصاعده والتى ربما تكون فى طول الموجه الثانيه المقدره بحوالى 1100 نقطه او ما يقاربها ثم يهبط المؤشر مره ثانيه لتكوين الموجه الخامسه الهابطه وهى اخر الموجات الهابطه والتى غالبا ستقوم بكسر مستوى 5500 على الا تتجاوز هبوطا بدايه الموجه الاولى على نفس الدرجه من التصحيح عند مستوى 5150 والا اصبح هذا السيناريو لاغى ويحتاج الى تعديل
لاحظ ان حسب هذا التحليل من المفترض ان الموجه التانيه تكون انتهت تبعا للتصحيح الشائع عنها ما بين 62%-78.6% خصوصا وان تصحيح الموجه التانيه غالبا بيكون شارب وبيتخطى نسبه 50% من الموجه الاولى والمؤشر حاليا تخطى نسب التصحيح الشائعه عن الموجه التانيه لكن للتذكره الموجه التانيه ممكن انها تصحح حتى 99% من الموجه الاولى يعنى ممكن توصل لحدود 5150
من الاسئله الشائعه التى يتم السؤال عنها باستمرار هو القاع فين! والحقيقه ان السؤال ده من الاسئله الصعبه ان تتوقع القاع الرئيسى خصوصا مع امتداد الموجه الهابطه لاكتر من سنهوبتصحيح عنيف لكن احب اذكر الناس بقانون نيوتن الاول للحركه وهو ان اى جسم لما بيتحرك فى اتجاه معين بيسير بسرعه منتظمه فى نفس الاتجاه ما لم تؤثر عليه قوه تغير من حالته ولو طبقنا القانون ده على سوق المال هنلاقى ان اتجاه الاسعار الحالى الهبوط وبالتالى المرجح انه يستمر فى نفس الاتجاه الى ان يمن الله علينا بمؤثر خارجى قوى يوقف حرجه الهبوط ويغير الاتجاه وبالتالى احنا بنجتهد فى قراءه المؤشر لكن التوقع الدقيق للقاع صعب اننا نوصله والموضوع فى حاله التوقع الصحيح بيكون توفيق مش اكتر لكن القاع بيتعرف بعد ما بيتكون وفيه بعض الملاحظات ممكن نطبقها ربما انها تسهل علينا الموضوع شويه فغالبا بدايه تكوين القيعان عندما يصل الناس الى مرحله اليأس من الصعود وبيعتقدوا فى انه ما زال هناك مزيد من الهبوط وتانى حاجه فى القيعان الرئيسيه انها بتمربفتره تجميع سواء كانت فى شكل عرضى او الارتكاز على نموذج فنى تجميعى وغالبا المؤشر المصرى بيستند على الوتد الهابط زى قاع 2009 وتالت الملاحظات طبعا الفوليوم وغالبا ما بيصاحب القيعان الرئيسيه ظاهره اسمها الميجا اوفر بوت فبيحصل زخم شرائى مجنون ممكن ترصده على مؤشرات الزخم وبيصاحب الظاهره دى ارتفاع فى الفوليوم وممكن ترجع بردوا للنقطه دى لقاع 2009 لكن نصحيتى دايما انك تتاجر مع اى ارتداد لاعلى طالما كان الاتجاه هابط على المدى البعيد والمتوسط بدون ما تتعب نفسك فى انتظار القاع واظن بقينا عارفين وقف الخساره فين والنصيحه دى موجهه للناس اللى بره السوق ومنتظره القاع او للناس الموجوده بداخل السوق ولو مش بتعرف تتاجر مع الموجه يبقى الافضل انك تقفل شاشتك وتابع المؤشر من فتره لاخرى افضل من انك تتفرج على خسارتك كل يوم وانت مش بتعمل حاجه
